ତୁମରି ପ୍ରେୟସୀ ହେଲି

କେବେ ତ କହିନି ଭଲପାଇ ନାହଁ,ବୁଝିନାହଁ ମୋତେ ବୋଲି ।

ଅଭିମାନେ କେବେ କହିଥିବି କିଛି ଯଦିବା ହୃଦୟ ଖୋଲି,

ତୁମରି ପ୍ରେୟସୀ ବୋଲି ।

ଛାଡିଯିବ ନାହିଁ ଅଧାବାଟେ ହାତ ,କରିଯିବ ନାହିଁ ଏକା ।

ଏ ସଂସାର ପଥ ଅତି ହିଁ ପିଚ୍ଛିଳ,ତୁମଠି ଭରସା କଲି ।

ତୁମରି ପ୍ରେୟସୀ ହେଲି ।

ପୀରତି କରିବା ଶିଖିନାହିଁ ସଖା,ବୁଝିନି ପୀରତି ପାଠ ।

ତୁମକୁ ମୋର କହିପାରୁ ନାହିଁ, ନିଜେ ହିଁ ତୁମର ହେଲି ।

ତୁମରି ପ୍ରେୟସୀ ବୋଲି ।

ସୁଖ ବି ତୁମର ଦୁଃଖ ବି ତୁମର, ନ ବୁଝି ମୁଁ ମରୁଥାଏ ।

ସପନ ତରୀରେ ଭାସି ବୁଲୁଥାଏ, ପାରି କରିଦେବ ବୋଲି ।

ତୁମରି ପ୍ରେୟସୀ ହେଲି ।