ଲାଇବ୍ରେରୀ
ପ୍ରୋଫାଇଲ୍
ତୁମେ ଯେବେ ମନେ ପଡ......
ତୁମେ ଯେବେ ମନେ ପଡ......
1 min
161
ଜହ୍ନ ହେଇ ଉଇଁଯିବି ଯେବେ
ତୁମ ମନ ଖୋଲା ଆକାଶ ରେ
ମେଘ ହେଇ ଢାଙ୍କିଦେବ
ପଣତ କାନିରେ
ଜ୍ଯୋତ୍ସା ହେଇ ଢାଳିଦେବି ଯେବେ
ଶୀତଳ କିରଣ ତୁମ କବରୀରେ
ତୃଷ୍ଣା ହେଇ ପିଇନେବ
ବିଶାଳ ବକ୍ଷରେ
ଆଙ୍କି ଦେବି ସ୍ବପ୍ନ ଯେବେ
ତୁମ ମନ କୋରା କାଗଜରେ
ଉଡାଇ ନେବ ପବନ
ଆଖି ପିଛୁଳାରେ
ନଦୀ ହେଇ ବହିଯିବି ଯେବେ
ତୁମ ଇଲାକାରେ
ବନ୍ଯାହେଇ ଭାସିଯିବ ଅତୀତ
ତୁମରି ଛୁଆଁରେ
ସୂର୍ଯ୍ୟ ହେଇ ଲୁଚିଯିବି ଯେବେ
ଦିଗ୍ବଳୟ ସୀମାରେଖା ପରେ
ଖୋଜୁଥିବ ସ୍ମୃତି ତୁମେ
ସାଗର ବେଳାରେ
ମନେପଡିଯିବ ତୁମେ ଯେବେ
କ୍ଷୁର୍ଣ୍ଣ ମାନସରେ
ଅଟକି ଯିବ ମନ
ତୁମ ଗାଁ ଗହିରୀ ପଠାରେ
ତୁମ ବୀଣାର ସୂର ଯେବେ
ଛୁଇଁ ଯିବ ହୃଦୟର କୋଣ ଅନୁକୋଣ
ବର୍ଷା ହେଇ ଝରିଯିବି
କ୍ଷଣ ଅନୁକ୍ଷଣ
