ତୁମ୍ଭେ ସତ୍ୟ ସନାତନ

  

ଜୟ ଜୟ ଜଗନ୍ନାଥ ଜଗତର ନାଥ l

   ମିଛ ଜଗତରେ ପ୍ରଭୁ ଏକମାତ୍ର ସତ ll

ତୁମ୍ଭେ ସତ୍ୟ ସନାତନ ପ୍ରଭୁ ପରମାର୍ଥ l

  ଜୀବନ ରଥରେ ପ୍ରଭୁ ସାରଥୀ ସମର୍ଥ ll

ନୀଳାଚଳେ ବସିଅଛ ଦାରୁ ରୂପ ଧରି l

  ଦାରୁବ୍ରହ୍ମ ନିରାକାର ନିର୍ଗୁଣ ମୁରାରୀ ll

ଦରଶନେ ବ୍ରହ୍ମଦାରୁ ଆହେ ଦାରୁବ୍ରହ୍ମ l

  କଟିଯାଏ ଜଗତର ସବୁ ମାୟା ଭ୍ରମ ll

ଚକାନୟନ ତୁମ୍ଭର ଆଖି ଯାଏ ଲାଖି l

  ଭାରତଯୁଦ୍ଧେ ରଖିଲ ଭରତିଆ ପକ୍ଷୀ ll

ହସ୍ତପଦ ନାହିଁ ପ୍ରଭୁ ଗୋପ୍ୟ କରିଅଛ l

  ବଡ଼ ବଡ଼ ଚକାଆଖି ଜଗତ ଦେଖୁଛ ll

ଧର୍ମସଂସ୍ଥାପନ ଅର୍ଥେ ପାର୍ଥର ସାରଥୀ l

  ମଉନେ ବସିଛ ପ୍ରଭୁ ମୋହନ ମୂରତି ll

ମଣିମା ମଣିମା ଡାକ ପଣ୍ଡା ପଢ଼ିଆରି l

  ଶ୍ରବଣ ଡେରି ଶୁଣୁଛ ସବୁରି ଗୁହାରୀ ll

ବଡ଼ଦାଣ୍ଡେ ଚଳେ ତବ ନନ୍ଦିଘୋଷରଥ l

  ମହା ସାରଥିଙ୍କୁ ଶତ କୋଟି ଦଣ୍ଡବତ ll