ତୁମ ପାଇଁ

ଅନେକ ଦିନ ହେଲାଣି

ତୁମ ଆଉ ମୋ ଭିତରେ ବ୍ୟବଧାନ

ଏଣେ ତେଣେ ପଡି ରହିଛି

ଏବେବି ତୁମ ଲମ୍ବା କେଶ

ଏଯାବତ୍ ଅନେକ ଥର

ସଫା ହୋଇଛି କୋଠରୀ ମୋର ।

ସନ୍ଦେହୀ ନୟନ ସବୁ

ପ୍ରଶ୍ନ ପଚାରନ୍ତି

ଠରା ଠରି ହୁଅନ୍ତି

ପଛରେ ମୋର ।

ସତ ଠାରୁ ଅନତି ଦୂରରେ

ସନ୍ଦେହ ଘେରରେ

ଖୋଜି ବୁଲେ

ହୃଦୟ ମୋ

ତୁମ ପ୍ରତିଛବି

ତୁମର ପ୍ରେମିକ ସାଜି ।

କାହିଁକି କେଜାଣି

ତୁମ ବିରୁଦ୍ଧରେ

ଶବ୍ଦ ସବୁ

ତିକ୍ଷଣ କଣ୍ଟା ପରି

ଫୋଡି ହୋଇ ଯାଆନ୍ତି

ଅସ୍ତବ୍ୟସ୍ତ କରି ଦିଅନ୍ତି ।

ଫେରି ଆସ

ହୃଦୟ ବଖରାକୁ

ସନ୍ଦେହୀ ଆଖିର

ଠାର ବନ୍ଦ କରିବାକୁ

ଅସଜଡା ଏ ମନକୁ

ସଜାଡି ଦେବାକୁ ।।