ଗୃହବନ୍ଦୀ

ଆମେ ଦୁହେଁ ବର୍ଷ ତମାମ 

ପରସ୍ପର ଠାରୁ ଅଲଗା

ତଥାପି ଅନେକ ଯୋଜନ ଠାରେ

ତୁମ ହୃଦ ସ୍ପନ୍ଦନ ଶୁଣି ପାରେ l

ଏ ଅସମୟର ଉପାନ୍ତରେ

ସୁଯୋଗ ଉଣ୍ଡୁ ଥିବା ମନ

କେହି ଯେମିତି ବୁଝି ଗଲା 

ତୁମେ ଆଉ ମୁଁ ଗୃହବନ୍ଦୀ

ସକାଳୁ ସଂଜ ତୁମ ପାଶେ

ତମାମ୍ ଅଝଟର ଯବନିକା l

ତୁମେ କଣ କହିବ କି 

ମୁଁ ସଂକ୍ରମିତ ବୋଲି ଜାଣି ଶୁଣି

ତୁମେ ଆଲିଙ୍ଗନ କଲ

ସଂକ୍ରମିତ ହେଲ l

ଭଲ ଥିଲା ସେ ଅମାପ ଅନ୍ଵେଷଣ

ଭାବି ଭାବି ଅବଶୋଷ କରେ

ସମୟ ଚକକୁ ଫେରାଇ ପାରନ୍ତିକି

ଆଉଥରେ ଫେରାଇ ଆଣନ୍ତି

ତୁମ ଆଉ ମୋ ମଧ୍ୟେ ବ୍ୟବଧାନ।।