ତୁମ ପାଇଁ
ତୁମ ପାଇଁ
ଜାଣେନା କେମିତି ଆସିଲ ଜୀବନେ
ପ୍ରଥମ ଥରକ ପାଇଁ ,
ଫୁଲ ବି ଫୁଟୁଛି ପବନ ବହୁଛି
ନିଇତି ତୁମରି ପାଇଁ।
ଜୀବନର ଏହି ଚଲାପଥଟିରେ
ତୁମେ ଆସି ମିଳିଗଲ,
ମୋ ଜୀବ ଜୀବନେ ସୁର ଆଗମନେ
ମତେ ଯେ ହଜାଇ ଦେଲ।
ପକ୍ଷୀଟିଏ ଥିଲି ନୀଳ ଆକାଶର
ଘୁରି ବୁଲୁ ଥିଲି ଏକା,
ଜୀବନର ମାନେ ବୁଝି ମୁଁ ପାରିଲି
ହେଲ ଯେବେ ତୁମେ ଦେଖା।
ଜୀବନକୁ ମୋର ପ୍ରେମର ରଙ୍ଗରେ
ତୁମେ ଯେ ରଙ୍ଗାଇ ଦେଲ,
ନୂଆ ଆଶା ଆଉ ନୂଆ ସ୍ବପ୍ନ କିଛି
ମୋ ଆଖିରେ ଭରି ଦେଲ।
ଜୀବନକୁ ମୋର ନୂଆ ମୋଡ଼ ଦେଲ
ନୂଆ ଏକ ଗତି ପଥେ,
ଶେଷ ଇଚ୍ଛା ଏବେ ସେହି ଚଲା ପଥେ
ଚାଲିବାକୁ ତୁମ ସାଥେ।