ଲାଇବ୍ରେରୀ
ପ୍ରୋଫାଇଲ୍
ତୁମ ହାତଗଢ଼ା କାଗଜଡ଼ଙ୍ଗା ମୁଁ
ତୁମ ହାତଗଢ଼ା କାଗଜଡ଼ଙ୍ଗା ମୁଁ
1 min
123
ତୁମ ହାତଗଢ଼ା
କାଗଜ ଡ଼ଙ୍ଗା ମୁଁ
ସୁଅ ରେ ଦେଇଠେଲି
କରିବକି ପାରି
ଭଵ ପାରାବାର
କରୁଛି ଏତିକି ଅଳି
ବରଷା ର ଧାରା
ବତାସ ର ଦାଉ
ଚଲାପଥେ ଚୋରାବାଲି
ଭଉଁରୀ ଖେଳଇ
ଲହରୀ ମାଳା ରେ
ସଳଖି ପାରେନି ଚାଲି
ଲିଭି ଲିଭି ଆସେ
ଆଶା ର ପ୍ରଦୀପ
ଅସହାୟେ ଜଳି ଜଳି
ତଥାପି ଚାଲିଛି
ଦରିଆ ମଝିରେ
ଯାଇନି ତୁମକୁ ଭୁଲି
ସଞ୍ଜନଇଁଲାଣି
ଜୀବନ ଆକାଶେ
ଘୋଟିଛି ଅନ୍ଧାର କାଳି
ଭରସା ରଖିଛି
ଚରଣେ ତୁମରି
ପାରିକରିଦେବ ବୋଲି
