ତ୍ରିରଙ୍ଗା ରେ ତ୍ରିରଙ୍ଗା

ତ୍ରିରଙ୍ଗା ରେ ତ୍ରିରଙ୍ଗା

ଛଳନା ରଙ୍ଗରେ ଆଜି ସାରା ଦେଶ ରଙ୍ଗା ।

ପାଖେ ନ ଥାଏ କିଛି ହେଲେ

ଦୁରୁ ଭାସିଆସେ ପବନରେ ଗନ୍ଧ ।

ସେ ଗନ୍ଧ ପାଇଁ ସମସ୍ତେ ଅନ୍ଦ ।

ସମସ୍ତଙ୍କ ପାଇଁ ଆଜି ଏଠି ସବୁ ମହଙ୍ଗା

ତ୍ରିରଙ୍ଗା ରେ ତ୍ରିରଙ୍ଗା

ତିନି ରଙ୍ଗରେ ହେଲା ତୋର ରଙ୍ଗା ।

ତୁହିଁ ଆମ ରାଷ୍ଟ୍ରୀୟ ପତାକା।

ଯେଉଁ ଦେଶ ରକ୍ତ ବଦଳରେ ପାଇଥିଲା

ସ୍ୱାଧୀନତା ,ସେହି ଦେଶ ମାଟି ଆଜି,

ପୁଣି ଥରେ ରକତରେ ରଙ୍ଗା।

ତ୍ରିରଙ୍ଗା ରେ ତ୍ରିରଙ୍ଗା

ନୋଟ ଆଉ ଭୋଟ ପାଇଁ ଏଠି ସବୁ ପଙ୍ଗା ।

ଭାଇ କରେ ଆଜି ନିଜ ଭାଇ ,

ପାଇଁ ବିପଦର ସଙ୍ଗା।

ଭେଣ୍ଡା ପୁଅ କର୍ମ ପାଇଁ ଆଜି

ବାପା ମା ଙ୍କ ହୃଦୟ ଭଙ୍ଗା ।

ତ୍ରିରଙ୍ଗାରେ ତ୍ରିରଙ୍ଗା

ଧର୍ମନୀରପେକ୍ଷ ରାଷ୍ଟ୍ର ପାଇଁ ଆମ,

ରାଷ୍ଟ୍ରର ଲାଗିଥିଲା ଦିନେ ଛଲଙ୍ଗା,

ଆଜି କବଳିତ ଧାର୍ମିକ ଦଙ୍ଗା ।

ନିରୀହ ଜନତାଙ୍କ ମୃତ୍ୟୁ ପାଇଁ,

ଦାୟି ଏହି ସାମ୍ପ୍ରଦାୟିକ ଦଙ୍ଗା ।

ଦୀର୍ଘଦିନ ମୃତ୍ୟୁ ସହ ସଙ୍ଘର୍ଷ ପରେ ବି

ମାଟିରେ ମିଶିଯାଇଛି ନିର୍ଭୟାର ଅଙ୍ଗ,

ତଥାପି କାମନାରେ ଅନ୍ଧ ଯୁବଗୋଷ୍ଠୀ

ଠାରୁ ମୁକୁଳିପାରିନି ନାରୀ ସମାଜ ।

ନାରୀ ହତ୍ୟା, ବଧୁ ହତ୍ୟା,କନ୍ୟା ଭ୍ରୂଣ ହତ୍ୟା,

ଆଜି ଦେଶ ପାଇଁ ମୁକ୍ଷ୍ୟ ପ୍ରସଙ୍ଗ ।

ଲୁଣ୍ଠନ,ହତ୍ୟା କରି ଆଜି

ମଣିଷ ପହଞ୍ଚି ଯାଇଛି ପର୍ବତ ର ଶୃଙ୍ଗ ।

ଚକା ଆଖି ସବୁ ଦେଖି

ଚୁପ ବସିଛି ଧରି ନିଜ ମଙ୍ଗ ।

ନିଜେ ସମାଧାନ କଲା ନାହିଁ,

ନିଜ ବ୍ରହ୍ମବିଭ୍ରାଟର ପ୍ରସଙ୍ଗ ।

ତ୍ରିରଙ୍ଗା ରେ ତ୍ରିରଙ୍ଗା

ଯଦି ଅଣ୍ଟି ଛୁରୀ ତଣ୍ଟି କାଟି କରେ ପାପ,

ଯଦି ଏହି ମାଟି ପୁଅ ଆପଣାଏ ନକ୍ସଲପନ୍ଥା ,

କରେ ନିଜ ଦେଶର ଲୋକଙ୍କ ହତ୍ୟା,

ଯଦି ଶାନ୍ତି ନାହିଁ,ଏକତା ନାହିଁ, ସଦଭାବ ନାହିଁ ,

ତେବେ ନାହିଁ ଆଉ ଖ୍ୟାତି ତୋର ତ୍ରିରଙ୍ଗା ।