ଫୁଲେଇ ବୁଢୀ

ଫୁଲେଇ ବୁଢ଼ୀ

ରାମଚନ୍ଦ୍ରପୁର ର ଫୁଲେଇ ବୁଢ଼ୀ

ସଭିଏଁ ଡାକନ୍ତି ଫୁଲେଇ ନାନୀ

କେହି ପୁଣି ଡାକେ ଅପା କହି

ବୟସ ରେ ସେ ଅଢେଇ କୋଡ଼ି

ଆଉ ଭଲେ ସେ ଶୁଭେ ନାହିଁ

କି ଠିକ ସେ ଦେଖା ଯାଏନି ବୋଲି

କେବେ ସେ ମନ ଦୁଃଖ କରେନି

ପାନ ଖିଆ ଦାନ୍ତ ଗଲାଣି ପଡି

ଦିନେ ବସିଥିଲା ଅଗଣା ରେ

ଆଖି ଦୁଇ ତାର ଗଲା ଲାଖି

କିଛି ଲୋକ ଖାଲି ଯିବାର ଦେଖି

ପଚାରି ବୁଝିଲା ଜେନା ଝିଅ ଭୋଜି

ଯାଇ ବସିଗଲା ମନେ ଉଙ୍କିମାରି

ଦେଖି ସବୁ ତା ବୁଢା ପଚାରିଲା

ମୋ ଫୁଲେଇ ବୁଢୀ ର କଣ ହେଲା

ତୋତେ କଣ କେହି କିଛି କହିଲା

ଅତି ବିକଳ ରେ ବୁଢା କୁ ଦେଖିଲା

ଅତି କଅଁଳେଇ ବୁଢା କୁ କହିଲା

ଜେନା ଭୋଜି ଟିକେ ଖାଇବାକୁ

ପାନ ଖିଆ ପାଟି କରି ପାକୁ ପାକୁ

ବୁଢ଼ୀ କଥା ଶୁଣି ବୁଢା କହିଲା

ବୟସ ପାଇଁ ହେଲୁ ତୁ ଶଢା

ଯୌବନ ଗଲାରୁ ହେଲି ମୁଁ ହଡା

ପାଟି ରେ ଚୋବାଇ ନ ପାରେ ଖଡା

ଗାଁ ଦାଣ୍ଡ ଘାଟ ସବୁଠି ଖସଡ଼ା

ପୁଣି ରାସ୍ତା ହେଉଛି ଗାଡି ର ଆଡା

ସେ ପାଇଁ ହେଲି ମୁଁ ତାଳ ବରଡା

ଭୋଜି ଖାଇବାକୁ ମନ କଲୁ ଯଦି

ଯିବି ଲୋ ମୁଁ ତୋ ପାଇଁ କାଇପଡା

ଯେହେଲେ ମୁଁ ତତେ ଭଲପାଏ ପରା

ବୁଢ଼ା ର ମୁହଁ ଦେଖି ବୁଢ଼ୀ ନରମିଲା

ଇଚ୍ଛାରେ କି ଲାଭ ବୟସ ହେଲା କାଳ

ବୁଢା କଥା ଶୁଣି ବୁଢ଼ୀ ସହଳ

କହିଲା ଆମ ଗାଁ ଦାମ ରାଉଳ

ଘର କୁ ଆଣିଛନ୍ତି ବଡ ସେଉଳ

ସେ ମାଛ ଖାଇବାକୁ ବହୁଛି ଲାଳ

ତମେ ଯାଇ କୁହ ହେ ଦାମ ରାଉଳ

ବୁଢ଼ୀ ଖାଇବ ମୋର ମାଛ ଝୋଳ

ଦେଲେ ଟିକେ କରିବ ସେ ତୁମ ମଙ୍ଗଳ

ବୁଢା କହେ ଶୁଣୁ ଆଗୋ ହେ ବୁଢ଼ୀ

ଦୁଇ ଜାଗା ରୁ ମୁଁ ଆଣିବି ଭୋଜି

କାହିଁ ଗଲା

Advertisement

ମୋ ବଂକୁଲି ବାଡ଼ି

ବାରିଆଡ଼େ ବୁଢ଼ୀ ଗଲା ଦଉଡି

ଅଣ୍ଡାଳି ଆଣିଲା ବଂକୁଲି ବାଡ଼ି

ଆଣିଲା ତା ସାଥେ ଫୁଟି କାକୁଡି

ଟିଣ ରୁ ବାହାର କରିଲା ମୁଢି

ବନାଇଲା ଆଗ ଝାଲ ମୁଢି

କହିଲା ସାଥେ ଧରି ଚକଟା କୁ

ଚାଲିଯିବ ଆଗେ କାଇପଡ଼ା କୁ

ଜଣାଇବ ନାହିଁ ଆଉ କାହାକୁ

ଜଳଖିଆ ସାରି ଉଠିଲା ବୁଢା

ବଙ୍କା ବାଡ଼ି ଧରି ହୋଇଲା ଛିଡା

ଚଷମା ଲଗାଇ ମାରି ମୁଣ୍ଡେ ଟୀକା

ପକାଇଲା ଅଣ୍ଟାରେ ଗାମୁଛା ଭିଡା

ଉପରକୁ ଚାହିଁ ମୁଣ୍ଡିଆ ମାରି

ଭାବିଲା ଆଗ ଯିବି କାଇପଡା

ସେଠାକୁ ଆସିଛି ପୁରୀ ଅବଢ଼ା

ଭାଗବତ ଆଉ ଗୀତା ହେଉଛି ପଢା

ଖାଇଦେଲେ ବଂଚି ଉଠିବ ମଢା

ଆଜି ସୋମବାର ରେ ଆମିଷ ମନା

ସେ ବୁଢ଼ୀ କୁ ବୁଝାଇ କରିବି ମଉନା

ଦାମ ରାଉଳ ବି ନାହାତି କଢା

ତାଙ୍କ ଘରକୁ ନ ଗଲେ ହେବ ଭଲା

ବାଡ଼ି ଧରି ବୁଢା ଘରୁ ବାହାରିଲା

ଗାଁ ଭାଗବତ ଟୁଙ୍ଗି ଯିବ ମନେ ଭାବିଲା

ଗାଁ ମୁଣ୍ଡେ ତାକୁ ସଞ୍ଜ ହୋଇଲା

ଟୁଙ୍ଗି ରେ ଚାଲିଛି ତ୍ରିନାଥ ମେଳା

ବୁଢା କୁ ଡାକିଲା ମୁନା ପାଗଳା

ଟାଣିଦିଆ ହେ ନନା ଦି ତିନି ପୁଳା

ଶିବ ଭକତ ରେ ହୋଇବ ଗଣା

ବୁଢା ଟାଣିଦେଇ ବେଦମ ହେଲା

ଭୋଜି ଭାତ କଥା ସବୁ ଭୁଲିଲା

ଚଉପାଢ଼ୀ ପାଖେ ଶୋଇପଡିଲା

ଅଧା ରାତିରେ ଉଠିଲା ବିଳିବିଳେଇ

ଭୋଜି ଖାଇ କିଏ କୁଆଡେ ଗଲେଣି

କି କଥା କହି ତୋଷିବ ତାହାର ମନ

କି ବୁଦ୍ଧି କରିବ ଏବେ କୁହ ତ ଭାଇ

ଆପେକ୍ଷା ରେ ଅଛି ତା ବୁଢ଼ୀ ଫୁଲେଇ

ପ୍ରକାଶ ସାହୁ