ସଫଳତା ଓ ବିଫଳତା
ସଫଳତା ଓ ବିଫଳତା
ସଫଳତା ଯା’ର ,ହୁଏ ସେ ନିଜର
ବିଫଳ ବ୍ୟକ୍ତିକୁ,କାହିଁ ପଚାର
ଯେ ହୁଏ ସଫଳ,ପ୍ରଶଂସା ତାହାର
ହୃତ ମଣିଷକୁ, କାହିଁ ପଚାର
ଏ କି ବିଡ଼ମ୍ବନା ……
ସଭିଏଁ ଜନ୍ମିଛନ୍ତି ହୋଇ ମାନବ
କେ ନୁହେଁ ଠାକୁର, କେ ନୁହେଁ ବାନର
ଯେ କରଇ ନିଜର ଲକ୍ଷପ୍ରାପ୍ତି
ହୁଏ ଯେ ପ୍ରତ୍ୟୁଷ ତାହାର ରାତ୍ରି ।
ପର କରିବାକୁ ଏ ଅନାଦର
ଶୁଭ ଚିନ୍ତନକୁ ନିଜର କର
ଶତ୍ରୁ ସହିତ ତୁଳନା କର
ଭୁଲକୁ ଖୋଜି ବାହାର କର ।
ସମୟ ଅଟଇ ଶକ୍ତିର ସମ୍ଭାର
ସେ ଶକ୍ତିକୁ କରି ଅସ୍ତ୍ର ନିଜର
ତେଜିବାକୁ ହେବ ବସ୍ତ୍ର ଲଜ୍ଜ୍ୟାର
କରମର ପଥେ ହୁଅ ଅଗ୍ରସର
ଏହା ତ ନିୟମ ……
ଆଜିର ଜୀବନ କର୍ମର ଭୁବନ
କର୍ମ ବିନା କାହାର ନାହିଁ ହିଁ ମାନ
ଅସୁବିଧା ସୁବିଧାର କାରକ
ବିଫଳତା ସଫଳତାର ଚକ ।
ମନକୁ ଆଣ ପୂର୍ବ ସମୃଦ୍ଧି
ଆତ୍ମବିଶ୍ୱାସ ତ ହେବ ବୃଦ୍ଧି
ସମାଜ କହିବ,ତୁମକୁ କେଞ୍ଚିବ
ଏବେ ଯେ ବିଫଳ ହବ ସେ ସଫଳ ।
ସଫଳତାବେଳେ ଜହ୍ନକୁ ଦେଖ
ସେ କେତେ ଉଚ୍ଚରେ ଅଛରେ ଦେଖ
ବିଫଳତାବେଳେ ଭୁଇଁକୁ ଦେଖ
ନିଜେ କେତେ ଉଚ୍ଚେ ଅଛରେ ଦେଖ ।
ଏ ତ ମହାମନ୍ତ୍ର……