ସଞ୍ଚିବା ଭଲରେ ବଞ୍ଚିବା
ସଞ୍ଚିବା ଭଲରେ ବଞ୍ଚିବା
ଗୋଟିଗୋଟି ଟଙ୍କା ସଞ୍ଚୟ କରିଲେ
କୋଟିଏରେ ହୁଏ ଗଣା
ଆସରେ ସଞ୍ଚିବା ଭଲରେ ବଞ୍ଚିବା
ଅବେଳେ ହେବାନି ବଣା l
ଅଯଥାରେ ଅବା ଅବାଟରେ ଜମା
ଖର୍ଚ୍ଚ କରିବାନି ଧନ
ଆୟଠାରୁ ବ୍ୟୟ ବଳେଇ ପଡିଲେ
ଅଥୟ ହୁଅଇ ମନ l
ଧନ ସଞ୍ଚିଥିଲେ କାମରେ ଲାଗଇ
ବେଳ ଅବେଳରେ ସେହି
ଏଠିସେଠି ନୁହେଁ ବ୍ୟାଙ୍କରେ ସଞ୍ଚିଲେ
ଡରରଭୟ ରହେ ନାହିଁ l
ସୁଧ ମିଳେ ପୁଣି ମୂଳ ସୁରକ୍ଷିତ
ଶୁଣ ମୋ ଭଉଣୀ ଭାଇ
ସଞ୍ଚିବାର ଏହି କଳା କଉଶଳ
ସବୁ କାନେ ଯିବା କହି
ସଞ୍ଚିବା ଆଗରୁ ସୁରକ୍ଷା ଦିଗକୁ
ଭଲଭାବେ ବୁଝିବାଟି
ମିଠା କଥାରେତ ଭୁଲିଯାଇ କାର
ସଞ୍ଚିବାନି ଏଠିସେଠି l
ବ୍ୟାଙ୍କରେ ସଞ୍ଚୟ ନାହିଁ ଜମା ଭୟ
ଶତପ୍ରତିଶତ ସତ
ଆଉ ସବୁ ପରା ମିଛ ,ପ୍ରତାରଣା
ଶୁଖିବନି ଜମା କ୍ଷତ l
ଅଧିକ ଲାଭର ଲୋଭରେ ପଡିଲେ
ମୂଳ ବୁଡିବାର ଭୟ
ଝାଳବୁହା ଧନ ଭୂତ ଖାଇଯିବେ
ଢାଳୁଥିବ ବସି ଲୁହ l