ଲାଇବ୍ରେରୀ
ପ୍ରୋଫାଇଲ୍
ସମୟଟା ଅଟକିଯାଏ
ସମୟଟା ଅଟକିଯାଏ
1 min
143
ବେଳେବେଳେ ସମୟଟା
ଅଟକି ଯାଏ
ନିଜ ଚଲା ବାଟରେ
ନିଜ ଚାରିପାଖରେ
ଅନେକ ଲୋକ ଥାଇ ମଧ୍ଯ
ଏକ ଅଜବ ନିସଙ୍ଗତା
ଦଂଶନ କରେ ହୃଦୟର କେଉଁ କୋଣରେ
ମନ ଚାହୁଁଥାଏ
ଗପିବାକୁ ଅନେକ କଥା
ହୃଦୟର ପ୍ରିୟ ଲୋକ ସାଥିରେ
କିନ୍ତୁ ଫୋନ୍ କଲେ
ସେପାଖରୁ ଉତ୍ତର ମିଳେ
ମୁଁ ଏବେ ବ୍ଯସ୍ତ ଅଛି ମୋ କାମରେ
ବାରମ୍ବାର ସେଇ ଗୋଟିଏ ଉତ୍ତର
ଶୁଣି ରାଗ ଓ ଅଭିମାନ
ଭରିଯାଏ ମନରେ
ହେଲେ ପର ମୂହୁର୍ତ୍ତରେ
ସବୁ ଭୁଲିଯାଏ
କେବଳ ତା' ସ୍ମୃତିର ଝଲକରେ
ଅଜବ ଏ ଦୁନିଆ,
ସମସ୍ତଙ୍କୁ ଘାରିଛି ଏଠି
ଆଗକୁ ବଢିବାର ମାନିଆ
ସମସ୍ତେ ଏଠି ବ୍ଯସ୍ତ
କେବଳ ନିଜ କାମରେ
ସମୟ ନାହିଁ ବସିବାକୁ
ଆପଣା ଲୋକ ପାଖରେ
ଆଧୁନିକତାର ପ୍ରହଳିକାରେ
ମେସିନ୍ ସାଜିଲାଣି ମଣିଷ
ସମ୍ପର୍କ ଠାରୁ ମୂଲ୍ଯବାନ
ସ୍ୱପ୍ନ ସାଜିଛି ଏଠି
ସେଥିପାଇଁ ବୋଧେ
ଜନ ଗହଳି ଭିତରେ ଥାଇବି
ସବୁ ଏଠି ବନବାସୀ
ବେଳେବେଳେ ସମୟଟା
ଅଟକିଯାଏ
ନିଜ ଚଲା ବାଟରେ
ଇଛା ନଥାଇ ମଧ୍ଯ
ରହିବାକୁ ହୁଏ
ଏକା ଏକା
ନିସଙ୍ଗତା ସାଥିରେ
ପ୍ରିୟରଞ୍ଜନ ବିଶ୍ୱାଳ
ବଳରାମପୁର,କୁଶଳେଶ୍ୱର
ଘସିପୁରା,ଆନନ୍ଦପୁର
କେନ୍ଦୁଝର,ପିନ୍-୭୫୮୦୨୫
ଦୂ.ଭା-୮୮୯୫୧୧୭୩୦୪
