ସମୟ

ପୂରାତନ କାଳେ ସୂରୁଜ ଦେଖିଣ

     ଜନେ ଜାଣିଲେ ସମୟ,

ସେହି ସମୟକୁ ବୈଜ୍ଞାନିକ ମାନେ

      କଲେଣି ଜ୍ଞାନ ଉଦୟ ।

ସମୟ ଅଟଇ ତିନୋଟି ଅକ୍ଷର

     କହିବା ଅତି ସହଜ,

ଏହି ସମୟ ଯେ ଅତି ମୂଲ୍ୟବାନ

     ବାଳକ ବାଳିକା ହେଜ ।

ସମୟ କାହାକୁ ସଫଳ କରେତ

     କରେ କାହାକୁ ବିଫଳ,

ସମୟକୁ ଯିଏ ବେଖାତିର କରେ

      ହୋଇଯାଏ ସେହି ଖଳ ।

ମହାପୁରୁଷଙ୍କ ଜୀବନି ପଢିଲେ

      ଜାଣିବ ଏହାର ମୂଲ,

ସମୟର ମୂଲ ବୁଝିଯେ ପାରିଛି

       ହୋଇଛି ସବୁଠି ଭଲ ।

ଜଗତରେ ଯେତେ ଜନ ରହିଅଛ

       ବୁଝ ଏ ସମୟ ଜ୍ଞାନ,

ପ୍ରୟୋଗ କରିଣ ଜାଣିଲେ ଏହାର

      ଖୁସିରେ କାଟିବ ଦିନ।

ସମୟ ମହିମା କହିଲେ ଯେତେବି

       କେବେତ ସରିବ ନାହିଁ,

କହିବାରେ ମୋର ଭୁଲ ରହିଗଲେ

       କ୍ଷମା କରିବ ଗୋସାଇଁ ।