ନାରୀ

ଅବଳା ଦୁର୍ବଳା ସ୍ନେହେ ଅବହେଳା

  ଆଜିର ସମାଜେ ନାରୀ 

ଶକ୍ତି ପ୍ରଦାୟିନୀ ଅମୃତ ଦାୟିନୀ

  ଭାବନା ଅଟେ ମୋହରି

କାର୍ଯ୍ୟରେ ଚଞ୍ଚଳା ଭାବନା ଶୀତଳା

  ପାଳନା ଯେ ଶ୍ରେଷ୍ଠ କଳା 

ଏହି କଳାଟିଯେ କେବଳ ନାରୀର

  ବୁଝିରଖ ଶ୍ରେଷ୍ଠ ବାଳା

ନାରୀ ହିଁ ଅଟଇ ମାତା ଓ ଭଗିନୀ

  ପୁଣି ସେ ଭାବ ମୋହିନୀ 

ତା ବିନା ଜଗତେ ଅମୃତ ସନ୍ତାନ

  ସୃଷ୍ଟି କେବେ ହୋଇବେନି

ନାରୀ ବିନା ଏହି ମାନବ ସମାଜ

  କେବେ ହୋଇବନି ଭରା 

ପୁରାଣ କହଇ ନାରୀ ବିନା ଏହି

   ଜଗତ ହୁଏ ଅଧୁରା

ଗାଉଥିଲି ଯେତେ ନାରୀର ମହିମା

   ପାରିଥିଲି ତାହା ଜାଣି 

ଲେଖନୀ ମୁନରେ ଆଙ୍କିଦେଲି ସର୍ବ

   ଭାବକୁ ଦେଇ ବଖାଣି