ସମ୍ପର୍କର ହାତ ଧରି

ସମ୍ପର୍କ ଯେ ଆମ ସ୍ନେହର ପ୍ରତୀକ ଭୁଲି ଯାଉଛନ୍ତି ସବୁ

ପାଇବା କଥାଟି ଭୁଲିଯାଇ ତୁହି , ସବୁବେଳେ ଖାଲି ଦେବୁ ।

ସୂତାଖିଅକର ଲାଗୁଛି ସତେକି ସମ୍ପର୍କ ଏଠି ସଭିଙ୍କର

ମୂଲ୍ୟହୀନ ଏବେ ସମ୍ପର୍କ ସବୁଠି ନାହିଁ କିଛି ଉପଚାର ।

ସ୍ୱାର୍ଥର ସାଧନେ ଗଢା ସମ୍ପର୍କଟି ଫୁଲରେ ଭ୍ରମର ପରି

ସ୍ୱାର୍ଥ ଥିଲା ଯାଏଁ ଚାଲନ୍ତି ସଭିଏଁ ସମ୍ପର୍କର ହାତ ଧରି ।

ମଣିଷ ଚିହ୍ନି୍ଵା ସମ୍ପର୍କ ଗଢିବା ପାଠ ପରା କାଠିକର

ନିଃସ୍ୱାର୍ଥ ଭାବେ ସମ୍ପର୍କ ତୋଳିବା ନ ମଣି କାହାକୁ ପର ।

ଚିରସ୍ଥାୟୀ ସେତ ସମ୍ପର୍କ ଡଙ୍ଗାଟି ପ୍ରେମ ଥାଏ ତା'ଭିତରେ

ହାତ ଧରି ସଦା ଚାଲିଥାଏ ବାଟ ପରକୁ ଆପଣା କରେ ।

ସ୍ୱାର୍ଥର ସହରେ ସମ୍ପର୍କ ହଜୁଛି ,ନିଜ ପରିଚୟ ଖୋଜି

ଭାଙ୍ଗୁଛି ସମ୍ପର୍କ ମଣିଷତ ଏଠି, ନିଜ ହାତେ ନିଜେ ଆଜି ।

ସମୟ ସୁଅରେ ବଦଳି ଯାଇଛି ସମ୍ପର୍କର ସେ ଭାବନା 

ଅନ୍ତର ଵେଦନା ବଳି ପଡିଯାଏ ଲୁହକୁ ରୋକି ହୁଏନା ।

ସମ୍ପର୍କର ମୂଲ ବୁଝିଅଛି ଯିଏ ,ସେ ଦୁନିଆରେ ସୁମଣିଷ 

ଛଳନାକୁ ନେଇ ସାଥେ ଚାଲୁଥିଲେ, ସମ୍ପର୍କର ହେବ ଶେଷ ।