ସମ୍ପର୍କର ନୂଆ ମୁହଁ
ସମ୍ପର୍କର ନୂଆ ମୁହଁ
ସମ୍ପର୍କ ଏବେ ନୂତନ ପରିଭାଷା ଏଇ ଦୁନିଆରେ
କେବେ ସେ କେଉଁ ରଙ୍ଗରେ ତ ପୁଣି କେଉଁ ରୂପରେ ।
କେବେ ସେ ଥାଏ ଆପଣା ବଳୟରେ
କେବେ ପୁଣି ହଜିଯାଏ ଦୂରତା ଭିତରେ ।
ସମ୍ପର୍କ ତାଜା ଲାଗେ ସଦା ସ୍ମୃତିର ସହରେ
ଫିକା ପଡିଯାଏ ପୁଣି ଅବିଶ୍ବାସର ଅନ୍ଧାରରେ ।
ଦିଆ ନିଆ ପର୍ବ ଏବେ ସମ୍ପର୍କ ହାଟରେ
ପୂର୍ଣ୍ଣଚ୍ଛେଦ ପଡିଯାଏ କାମ ସରିଲେ ଶେଷରେ ।
ମୂଲ୍ୟ ତାର ବୁଝନ୍ତିନି ଏ ଜଗତେ କେହି
ବାନ୍ଧି ରଖେ ସମସ୍ତଙ୍କୁ ଅଦୃଶ୍ୟ ସେତୁଟିଏ ସେଇ ।
ସାଇତି ରଖିବା ତାକୁ ସ୍ନେହ ଶ୍ରଦ୍ଧା ମନେ ଥାଇ
ଭାଙ୍ଗିଯାଏ ପରା ସିଏ ସନ୍ଦେହକୁ ନେଇ ।
ଯୁବପିଢି ଲାଗି ନାହିଁ ତା'ର କୋୖଣସି ଅସ୍ତିତ୍ଵ
ହରାଇଛି ସେ ଯେ ତା'ର ପ୍ରକୃତ ମହତ୍ତ୍ଵ ।
ମାନ ଅପମାନ ସହି ସେ ଆଜି ଅଟେ ଅବଲୁପ୍ତ
ବିଶ୍ଵାସ ଥାଇ ବି ସେ ହୋଇଛି ଅବିଶ୍ବସ୍ତ ।
ଦୁନିଆରେ ଏବେ ତାର ନୂଆ ଏକ ମୁହଁ
ପରିଚୟ ଥାଇ ମଧ୍ୟ ସେ ଆଜି କାହାରି ବି ନୁହଁ ।