ଶେଷ ଅଭିନୟ

ଅଫେରା ପଥରୁ ଫେରିଵନି ସତେ

ଚଲାପଥ ହେଲା ଶେଷ

ସ୍ମୃତି ବୋଲି ଯାହା ଛାଡିଗଲ ତୁମେ

ରଚିଦିଏ ମନେ ଅବଶୋଷ ।

ଆମ ସାଥେ କାଲି ଥିଲ

ପ୍ରତି ମୁହୂର୍ତ୍ତରେ   

ଆଜି ତୁମେ ଫଟୋ ହୋଇ ଝୁଲିଅଛ

ଶୂନ୍ୟ କାନ୍ଥରେ ।

ବିଶ୍ଵାସ ହେଉନି ସତେ 

ତୁମେ ହେଲ ମୁଠାଏ ପାଉଁଶ

ଫଟୋ ଦେଖି ଭାବେ ମନେ 

ତୁମେ କେମିତି ପାଲଟିଗଲ

ନିର୍ବେଦ ପୁରୁଷ ।  

 ଛାଡିଗଲ ସଂସାର ସମୁଦ୍ର

ଅଭିନୟ ହେଲା ଶେଷ

ତୁମେ ପାଖେ ନାହଁ ବୋଲି 

ଦେବି ଅବା କାହାକୁ ଦୋଷ ।

ଦେଖେ ଯେବେ

ଫଟୋ ତୁମ ଲାଗୁଚ ଜୀବନ୍ତ

ଫଟୋରେକି ବିରାଜିତ ତୁମେ

ତୁମ ଫଟୋ ବହନ କରୁଛି ହାୟ

ତୁମର ସେ ଅଦୃଶ୍ୟ ଅସ୍ତିତ୍ବ ।