ଅଜଣା ଚିଠି

ଖୋଲିଦେଲି ଯେବେ ସ୍ମୃତିର ସିନ୍ଧୁକ

ପୁରୁଣା ଚିଠି ସବୁ ଆବୋରି ନେଲେ

ମୋତେ ନିଜ କୋଳକୁ ବିସ୍ତାରି

ସ୍ମୃତି ଆଇନାରେ ଝଲସି ଗଲା ଅତୀତର କିଛି

ଆତ୍ମୀୟଙ୍କ ଚେହେରା ଆଉ କିଛି ଅଫେରନ୍ତା ସମୟ

ସମୟ ସୁଅରେ ଆଗେଇ ଗଲେଣି ସବୁ

ହେଲେ ରହିଯାଇଛି ପାଖେ ମୋର ସେସଵୁର ସନ୍ତକ

ଚିଠି ଦେବା ନେବା ଯୁଗ ତ ଗଲାଣି 

ନା ଅଛି ଡାକରେ ଚିଠି ପାଇ ଉତ୍ତର ନଦେଵାର ଅଭିଯୋଗ

ଏବେ ପରା ସଭିଙ୍କ ପାଖରେ ମୋବାଇଲ 

ଆଉ ଫେସ୍ ବୁକ୍ ,ୱାଟ୍ସପ୍ ରେ କଥା ହେବାର ଅଭିନ୍ନ ସୁଯୋଗ

ହେଲେ ଆଜି ବି ଇଚ୍ଛା ହୁଏ କେହି ଜଣେ

ନିଜର ଚିଠି ଖଣ୍ଡିଏ ଦିଅନ୍ତାନି 

ଇଚ୍ଛା ହୁଏ ସେସବୁ ପୁରୁଣା ଦିନକୁ

ପୁଣି ଥରେ ଵଂଚିଯିବା ପାଇଁ

ଚାଲିଗଲା ସମୟ ଯେ ଆଉ କି ଫେରିବ, 

ଚିଠି ଦେଇ ମନ କଥା ଆଉ କେ କହିବ ।