😭ସିନ୍ଦୂର ମୋ ଲିଭିଗଲା😭

ହାତରୁ ଛାଡିନି ମେହେନ୍ଦୀ ର ଦାଗ

   ସିନ୍ଦୂର ମୋ ଲିଭିଗଲା

ସଂସାରର ମାନେ ବୁଝିବା ଆଗରୁ

   ଜୀବନ ଉଜୁଡି ଗଲା.... 

ଦଇବର ଖେଳ ତୁମକୁ ହେ ସାଥୀ 

   ଦୁନିଆରୁ ନେଇଗଲା

ସଧବା ବଦଳେ  ବିଧବା ରୂପକୁ 

  ମୋତେ ଉପହାର ଦେଲା... 

ମନେ ମନେ କେତେ କଥା ଭାବିଥିଲି

   କରିବି ତୁମରି ସେବା

ସୁହାଗ ସିନ୍ଦୂର  ସିନ୍ଥିରେ ପିନ୍ଧିବି

   କରି ତୁମ ପାଦ ପୂଜା.... 

 ଆହ୍ୟ ଡେଙ୍ଗୁରା ରେ ଯାଇଥାନ୍ତି ସ୍ଵର୍ଗ

    ଏବେ ଯିବି ନର୍କପୁର

ପ୍ରତିକ୍ଷଣ ସାଥୀ ତୁମ ବିନା ଏବେ

    ପିଉଛି ଖାଲି ଜହର....

ସାବିତ୍ରୀ ବ୍ରତ ମୁଁ   କରିଥାନ୍ତି ସାଥି

  (ତୁମ) ଆୟୁଷ କାମନା କରି

ଅହ୍ୟ ସୁଲକ୍ଷଣୀ  ହୋଇ ମରିଥାନ୍ତି 

   ସିନ୍ଥିରେ ସିନ୍ଦୂର ଭରି.... 

ତୁମ ସନ୍ତକଟେ ପାଖେ ଥିଲେ ମୋର

    ପାରିଥାନ୍ତି ବଞ୍ଚି ମୁହିଁ

କିଛି ନାହିଁ ସାଥୀ ତୁମ ଫଟୋ ଛଡା

    କାହାକୁ ରହିବି ଚାହିଁ.....

 ଏମିତି ମୁହିଁ ଯେ ହତ ଭାଗିନୀ ଟେ

   ଭାଗ୍ୟରେ ମୋ ଖୁସି ନାହିଁ

ମୋ ନଜର କାଳେ ପଡିଲେ ଉପରେ

   ଅମଙ୍ଗଳ ହୁଏ ତହିଁ......

ଶୁଭ କାମରେ ମୁଁ ଆଉ ଯିବି ନାହିଁ 

   ଅଶୁଭ ସଙ୍କେତ ନେଇ 

ସମାଜ ଲାଞ୍ଚନା  ଦିଏ ପ୍ରତିକ୍ଷଣେ

   ଅଲକ୍ଷଣୀ ଆଖ୍ୟା ଦେଇ.... 

ଏକା କରିଦେଇ କାହିଁ ମୋତେ ସାଥୀ 

    ଚାଲିଗଲ ବହୁଦୂର 

ତୁମ ବିନା ପତି   ଏହି ସମାଜରେ 

    ମରିବାଟା ହେବ ସାର....।।