ଶରତ ଆସିଛି ସରାଗ ନେଇ
ଶରତ ଆସିଛି ସରାଗ ନେଇ
ଶରତ ଆସିଛି ସରାଗ ନେଇ
ନିର୍ମଳ ଦିଶୁଛି ଶୋଭା ବଢାଇ
କଥାରେ କହୁଛି ଅନ୍ତରେ ନାହିଁ
ବର୍ଷା ପରେ ଗ୍ରୀଷ୍ମ ଧରାରେ ବହି l
ହନ୍ତସନ୍ତ ହେଉ ବଢୁଛି ତାପ
ଆନନ୍ଦ ହଜିଛି ମନରେ କୋପ
ଆଉ ଦେଖା ନାହିଁ ସେକାଳ ପାଗ
ଶରତେ କୁହୁଡି ଋତୁରେ ଦାଗ l
ସରାଗ ଆସୁଛି ପର୍ବରେ ମାତି
ବାଜା ବାଣ ମାରୁ ଥରାଇ ଛାତି
ମନେ ଭକ୍ତି ନାହିଁ ଖାଲି ଫେସନ
ଶକ୍ତି ରାଗୁଛନ୍ତି ଗୁଣ ଜାଣିନ l
କାଶତଣ୍ଡି ଫୁଲ ପବନେ ହଲି
ବିଦ୍ରୁପ କରୁଛି ଦର୍ଶକ ଭଳି
ସଚେତନ ହୁଅ ମଣିଷ ଭାଇ
ପ୍ରକୃତି ସୁରକ୍ଷା ମୁଣ୍ଡରେ ନେଇ l
ଯୁଦ୍ଧ ରାଗ ହିଂସା ହୋଇ ବିସ୍ତାର
ଶରତେ ବିପଦ ଯେ ହମାସର
ପଡୁଅଛି ବୋମା ତୁହାକୁ ତୁହା
କେହି କରୁନାହିଁ ମନରେ ଆହା l
ଆତଙ୍କ ବାଦୀ ଏ ଭାରି ନିଷ୍ଠୁର
ହତ୍ୟା କରେ ନର ନାହିଁ ଦୟାର
ଫଳ ଭୋଗୁଛନ୍ତି ନିରୀହ ନର
ଶରତେ କଷଣ ଯେ ପୃଥିବୀର l