End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

SOMYA RANJAN PANIGRAHI

Abstract Romance Others


4.1  

SOMYA RANJAN PANIGRAHI

Abstract Romance Others


ଶ୍ରାବଣେ ଶ୍ରାବଣୀ

ଶ୍ରାବଣେ ଶ୍ରାବଣୀ

1 min 22.7K 1 min 22.7K

ଶ୍ରାବଣେ ଅମ୍ବର ଶୁଭ୍ର ମେଘମାଳେ

ସତେ କି ବରଫାବୃତ,

ଧରଣୀ କୋଳରେ ମାଟିର ସୁରଭି

ମନ କରେ ଆଚମ୍ବିତ ।


ନୀଳ ଆକାଶକୁ ସଜାନ୍ତି ଯେପରି

ଧଳାମେଘ ଖଣ୍ଡ ଖଣ୍ଡ, 

ଦର୍ଶକ ବିଚାରେ ରୋଷଣୀ ସାଜୁଛି 

ସାକ୍ଷୀ ଏ ବିଶ୍ବ ବ୍ରହ୍ମାଣ୍ଡ ।


ଧରାରେ ଉଲ୍ଲାସ ଶ୍ରାବଣ ପରଶ

ଖେଲେ ଆନନ୍ଦର ଛାୟା ,

ଲାଗେ ଯେ ପିୟୁଷ ମେଘବାରି ରସ

ପିଅନ୍ତି ବିସ୍ତାରି କାୟା ।


ଶ୍ରାବଣ ଆକାଶେ ବାଦଲ ପରଶେ 

ବର୍ଷା ପଡେ ଯେବେ ଝରି,

ଚଷା ନାଚେ ମନେ ମୟୂର ପର୍ବତେ

ସପୁଚ୍ଛେ ମନକୁ ଭରି ।


ଗିରିଏ କମ୍ପନ୍ତି ମୟୁର ନୃତ୍ୟରେ

ଝୁମଇ ମୟୂରୀ ରାଣୀ,

ଭୟରେ ଭୁଜଙ୍ଗ ପୁଲକିତ ବେଙ୍ଗ

ସାଥିରେ ବେଙ୍ଗୁଲୀ ନାନୀ ।


ନାୟିକା ସାଜଇ ମନର ମାନସୀ

ଡ଼େଉଁଥିବ ବାଆଁ ଆଖି ,

ଆସିବ ତାହାର ମନର ଅଳି ଯେ

ଲାଖି ରଖିଥାଏ ଆଖି ।


ଚଞ୍ଚଳ ନୟନେ ଦେଖେ ଦୂରାନ୍ତରେ

ହସ୍ତରେ କମଳ କଳି,

ସମ୍ବର୍ଦ୍ଧନା ପାଇଁ ମନ ଅଗଣାରେ

ଜାଳେ କୋଟିଏ ଦିପାଲୀ ।


ଦେଖିବ ମୁଂଚିବ ବିରହ ବେଦନା

ହସ ହସ କଥା କହି,

ଆନନ୍ଦ ଉଲ୍ଲାସ କେତେ ମଧୁସ୍ପର୍ଶ

ବିରହ ନିଆଁକୁ ଧୋଇ । 


Rate this content
Log in

More oriya poem from SOMYA RANJAN PANIGRAHI

Similar oriya poem from Abstract