ଶପଥ
ଶପଥ
ଗୀତିକବିତା
ହାତ ବଢେଇବି ଜହ୍ନ ଧରିବାକୁ ହାତ ପାଉ ବା ନ ପାଉ,
ଲେଖୁଥିବି ନିତି ହୃଦୟର ଗୀତି କିଏ ଗାଉ ବା ନ ଗାଉ । (ଘୋଷା )
ତାରାଫୁଲ ତୋଳି ଆଣିବାକୁ ମନ ମେଘରେ କରିବି ଘର,
କୁହୁଡ଼ି ପହଁରା ଶିଖିଯାଇଛି ମୁଁ ବିପଦକୁ ନାହିଁ ଡର ।
ପ୍ରଜାପତି ହେଇ ଉଡ଼ି ବୁଲୁଥିବି-ଫୁଲ ଥାଉ ବା ନ ଥାଉ ।
ହାତ ବଢେଇବି ଜହ୍ନ ଧରିବାକୁ ହାତ ପାଉ ବା ନ ପାଉ ।(1)
ଅଜଣା ବାଟରେ ଚାଲୁଥିବି ନିତି କେହି ହେବ ଦିନେ ଭେଟ,
ସାତ ସାଗରକୁ ପାରି ହେବାପାଇଁ ଫିଟାଇବି ନୂଆବାଟ ।
ମୋର ଗତି-ମତି ଦେଖି ଯଦି କିଏ ପାଗଳ କହିଲେ କହୁ ।
ହାତ ବଢେଇବି ଜହ୍ନ ଧରିବାକୁ ହାତ ପାଉ ବା ନ ପାଉ ।(2)