*ଶୀର୍ଷକ:-*🌹 *ଫେରିଆସ କୃଷ୍ଣ*🌹
*ଶୀର୍ଷକ:-*🌹 *ଫେରିଆସ କୃଷ୍ଣ*🌹
ଫେରିଆସ କୃଷ୍ଣ ତୁମ ବିନା ଆଉ
ଭଲ ତ ଲାଗୁନି କିଛି
ଗୋପ ବୃନ୍ଦାବନ ଖାଲି ଖାଲି ଲାଗେ
ରାଧା ରାଣୀ ଝୁରୁଅଛି ।
ଝୁରୁଛି କଦମ୍ବ ଝୁରୁଛି ଯମୁନା
ଯଶୋଦା ନିତି ଝୁରୁଛି
ବାହୁନି କାନ୍ଦୁଛି ମାଆର ମମତା
ନା ଆଖି ଲୁହ ଶୁଖୁଛି ।
ଗୋପୀ ଗୋପାଙ୍ଗନା ହୋନ୍ତି ଆନମନା
ଶରୀର ଖାଲି ରହିଛି
ଶରୀର ଭିତରୁ ଜୀବନଟି କିଏ
ସତେ କି କାଢି ନେଇଛି ।
ଗୋପ ବାଳକଙ୍କ ମନ ମରିଅଛି
ନା ବତ୍ସା କ୍ଷୀର ପିଉଛି
ଶ୍ରୁତି ଡେରି ସର୍ବେ ରହିଛନ୍ତି ଚାହିଁ
ନା ବଂଶୀ ସୁର ଶୁଭୁଛି ।
ଆଠ ଦିନ କହି ଯୁଗ ଗଲା ପାହି
ନା ଡାକ ତାକୁ ଶୁଭୁଛି
ଫେରି ଆସ କୃଷ୍ଣ ଧର ନାହିଁ ଦୋଷ
ଜୀବନ ଛାଡି ଯାଉଛି ।
ଅନ୍ୟାୟ ଅସତ୍ୟ ଅଧର୍ମ କୁକର୍ମେ
ଧରିତ୍ରୀ ମାତା କାନ୍ଦୁଛି
ସହି ହେଉ ନାହିଁ ଉପଦ୍ରବ୍ୟ ଭାର
ନର ରାକ୍ଷାସ ମାତିଛି ।
ଅର୍ଜୁନ ରଥର ସାଜିଲ ସାରଥି
କିଏ ବା ଭୁଲି ପାରିଛି
ଧର୍ମର ସ୍ଥାପନ ପାଇଁ କିଏ କୁହ
ଶପଥ ଭାଙ୍ଗି ପାରିଛି ।
ଧର୍ମର ସ୍ଥାପନ ପାଇଁ ଆସ କୃଷ୍ଣ
ବସୁଧା ମାତା ଚାହିଁଛି
ତାହାରି କୋଳରେ ନିଅ ଅବତାର
ଆଶା ତା ଲିଭି ଯାଉଛି ।।