ଶେଷ ଗୀତ

କୁଆଡ଼େ ଯାଉଚ ?

ସାରେଗାମା ରେ ମଜ୍ଜିବାକୁ !

ହେଃ_ତମେ ତ ହେଇ ଗଲଣି

ରଂଗ ସରି ଯାଇ ଥିବା ଗଛ ପରି

ମଉଳା ଆକାଶ ଭଳି ॥

ଉଦାସ ଅପରାହ୍ନରେ

ଏକ଼ଲା ଧୋବ ପକ୍ଷୀଟେ ପରି

ତମର ଯାତ୍ରା ତେବେ କୁଆଡ଼କୁ ?

ଗାଈଆଳର ଧଳା ଜରି ଗୁଡ଼ା ହୋଇ ଥିବା

ଚିରି ଛତା ପରି

ତମେ ଏତେ ପାଂଶୁକ ଲାଗୁଚ ଯେ !

ପଂଜରା ହାଡ଼ ଗଣି ହେଇ ଯାଉ ଥିବା

ରାେଗୀ କୁକୁରର

ଏକାକୀତ୍ୱ ପଣ ପରି

ତମ ପାରିବା ପଣିଆ

ସ୍ୱାଦ ନ ଥିବା ମାଟିରେ

ସାରେଗାମାରେ ଭରି ଦେବାକୁ

ଚାହିଁଲ ଯେ ବଂଧୁ

ଘର ପାେଡ଼ିର ଦୃଶ୍ୟ ହିଁ

ପାଲଟି ଗଲ କେବଳ ॥