ସବୁ ମାୟାରେ ବାୟା

ବନ୍ଧୁର ପଥେ ବନ୍ଧୁଙ୍କ ସାଥେ 

ଚାଲୁ ଥିଲେ ପାଦ ଥାପି 

ନିସର୍ତ୍ତ ସର୍ତ୍ତରେ ପ୍ରଭୁ ନାମ ଜପି 

ପଡିବାନି ଜମା ଥକି 

ଦୁଃଖ ଯନ୍ତ୍ରଣା ନିରାଶା ହତାଶା 

ପିକ ପରି ଦେଇ ଦୂରେ ଥୁକି 

ଅନ୍ତିମ ସମୟ ପୂର୍ବରୁ ହାତେ ମାପି 

ଆଜି କଥା କାଲିକି ନାହିଁ କାଲି କଥା 

ଥିବ ବି କାହିଁ ଭାବି 

ଅଭାବୀ ସ୍ଵଭାବେ ନିରନ୍ତର ପ୍ରଭୁ ଜପି 

ମନ ବଡ଼ କଲେ ହୃଦୟ ତନ୍ତ୍ରରେ 

ରାମ ନାମ ଯିବ ଶୁଭି 

ରାମ ନାମେ କି ରସ ଅଛି ପାନ କଲା 

ଲୋକେ ଜାଣିଛନ୍ତି ଦେଖି ତାଙ୍କ ଛବି 

କାଉଟିଏ ପରି ସୁନେଲି ସକାଳେ 

ସମସ୍ତଙ୍କୁ ଡାକି ଡାକି ରାବି 

ବନ୍ଧୁ ଓ ବାନ୍ଧବୀ ଉଠ ଉଠ 

ସାନ ବଡ଼ ନତଉଲି ନମାପି 

ପବନ ଯୁଆଡେ ତଲେଇ ସିଆଡେ 

ସମୟ ସାଥିରେ ଗପି 

ଗଳ୍ପର ମହକେ କବିତା କୁହୁକେ 

କୋଇଲିକୁ ହୃଦେ ରଖି 

ସେ କଳା କୋଇଲି କିଏ ହେବ ଆଉ 

ଚକାଆଖି ଦୁଇ ସାକ୍ଷୀ 

ଡାଳ ମୂଳ ଚୁଳ ପତ୍ର ଓ ଫୁଲରେ 

ବନ୍ଧୁ ହାତେ ହାତ ଛନ୍ଦି 

ସୌହାର୍ଦ୍ୟ ବାରତା ଯିବା ଲେଖି 

ଆଜି ଅଛି ଯିଏ କଢ଼ି ଫୁଟି ଫୁଲ ବଢ଼ି 

ଯିବ ଦେଖି ଶୁଣି କହି ପଢି ଶିଖି