ସବୁ ଧର୍ମର ସାର ମରମ, ଅହିଂସା

ଭାଷଣ ଓ ଡ୍ରାମାବାଜିରେ କୋଣାର୍କ 

କେବେ ତ ହୋଇନି ଛିଡା

ବାରଶହ ବଢେଇ ଓ ଧରମା ପରି ଶ୍ରମିକ 

ଯୋଗୁ ତାହା ହୋଇଲା ଗଢା ।

ଆଜିର ସମାଜରେ, ଛଳନାରେ ନେତୃବୃନ୍ଦ  

ବହୁ ବଡ ବଡ କଥା କହନ୍ତି

ଦଲାଲ ହୋଇ, ଶାଗ ମାଛ ଦରରେ ଦେଶର

ସବୁ ସମ୍ପତ୍ତିକୁ ବିକି ଦିଅନ୍ତି ।

ଶ୍ରମିକ କୃଷକ ଜବାନ୍ କରି ଚାଲନ୍ତି କାମ ଦେଶ

ପାଇଁ, ମନକୁ ମନ

ନେତାମାନେ, କରିବା ଲୋକକୁ ନୁଆଁଇ ତଳକୁ, 

ଆବୋରିଛନ୍ତି ଉଚ୍ଚ ଆସନ ।

ଗୋଡିବାଲି ସିମେଣ୍ଟରେ ଗୋଳି, କର୍ମ ଆସନର

ପିଣ୍ଡି ଯାହାର ଗଢା

ଉତ୍ତମ ବିଚାର ଥିବା କର୍ମଜୀବି ମଣିଷ ଯୁଗ ଯୁଗ 

ଧରି ଦେଶ ପାଇଁ ହୁଅନ୍ତି ଛିଡା ।

ସବୁ ଧର୍ମର ପରା ସାର ମରମ ଓ ସୃଷ୍ଟିର ଶ୍ରେଷ୍ଠ 

ସତ୍ଯ ପରା ଅହିଂସା ଅଟଇ 

ସାମ୍ପ୍ରଦାୟିକ ହିଂସା ମନୋଭାବ, ଛାଡି ଦିଅ ମୋର

ଭାରତୀୟ ଭଉଣୀ ଭାଇ ।