ସଭିଙ୍କ ପ୍ରିୟ କ୍ରିକେଟ
ସଭିଙ୍କ ପ୍ରିୟ କ୍ରିକେଟ
ସଭିଙ୍କ ପ୍ରିୟ କ୍ରିକେଟ ଖେଳ
ଖେଳ ଭିତରେ ରାଜା
ଯେଉଁ ଦେଶଟି ଜିତଇ ମ୍ୟାଚ୍
ଫୁଟାନ୍ତି ବାଣ ବାଜା ।
ଦୁଇ ଦେଶର ଭିତରେ ଚାଲେ
ଟୋଣ୍ଟି , ଦିନିଆ , ଟେଷ୍ଟ୍
ଓଭର ନେଇ ଖେଳଟି ହୁଏ
ମଝିରେ ଥାଏ ରେଷ୍ଟ୍ ।
ଗୋଟେ ଓଭର ଛଅଟି ବଲ୍
ଫିଲ୍-ଡିଂ ବାଲା କରେ
ବ୍ୟାଟ୍-ସ୍ ମ୍ୟାନ୍ ବଲ୍ ମାରିଲେ
ଫିଲ୍-ଡର୍ ଧାଇଁ ଧରେ ।
ଗଡିକି ବଲ୍ ସୀମା ଡେଇଁଲେ
ହୁଅଇ ସିଏ ଚାରି
ଛକାର ବଲ୍ ତଳେ ନ ପଡି
ସୀମା କୁ ହୁଏ ପାରି ।
ବଲ୍ ରୁ ବ୍ୟାଟ୍ ବ୍ୟାଟ୍ ରୁ ବଲ୍
ଧରିଲେ ହୁଏ କ୍ୟାଚ୍
ଦି ଦଳ ରନ୍ ଏକା ହୋଇଲେ
ଟାଇ ହୁଅଇ ମ୍ୟାଚ୍ ।
ବୋଲର ହାତୁ ସିଧାଟି ଯାଇ
ଓ୍ବିକେଟ୍ ଯଦି ଛୁଏଁ
ବୋଲ୍-ଡ୍ ହୋଇ ବ୍ୟାଟ୍-ସ୍ ମ୍ୟାନ୍
ଫେରେ ଆମ୍ବିଳା ମୁହେଁ ।
ପରିଚାଳନା କରନ୍ତି ଦୁଇ
ଅମ୍ପ୍ୟାର ତାଙ୍କ ନାମ
ନିୟମ ସହ ଆଉଟ୍ ରନ୍
ଦେବାଟି ତାଙ୍କ କାମ ।
ଗୋଟେ ଦଳରୁ ଅଧିକା ରନ୍
କରଇ ଯଦି ଆନ
ଜିତିକି ସିଏ ଟ୍ରଫି ନିଅଇ
ବଢଇ ତା'ର ମାନ ।
___________________________
ଅମୂଲ୍ୟ କୁମାର ପଣ୍ଡା
ଅରଙ୍ଗାବାଦ୍ , ବରୀ , ଯାଜପୁର