ସ୍ଵାଧୀନତା ଦିବସ ପାଳନ

   

ବୁହାଇ ଶୋଣିତ ମୋ ଦେଶର ସୁତ 

  ଦେଇଛନ୍ତି ସ୍ଵାଧୀନତା ,

ଅଛି ଏହି ଭୂମି କେତେ ଯେ ସଂଗ୍ରାମୀ

  ରଚିଗଲେ ମହାନତା ।।୧।।

ଅହିଂସାର ସହ କେତେ ଶହ ଶହ 

 ସଂଗ୍ରାମୀ ଦେଇଣ ଯୋଗ ,

ଯାହାଙ୍କର ପାଇଁ ଶାନ୍ତି ନିଦ୍ରା ହୋଇ 

 କରୁଅଛେ ସୁଖ ଭୋଗ ।।୨।।

ଓଡ଼ିଆ ପାଇକ ହୋଇ ଏଠି ଏକ 

  କରି ପାଇକ ବିଦ୍ରୋହ ,

ଦେଶର ଶତ୍ରୁକୁ କରିଲେ ପଛକୁ            

&nbs

Advertisement

p; ନିଜେ ସହି କେତେ କୋହ ।।୩।।

ହୋଇଣ ସ୍ଵାଧୀନ ଲାଗେ ପରାଧିନ 

   ଜଳେ ପରାଧିନ ବତୀ , 

ଅନ୍ୟାୟ କୁକର୍ମ କେତେ ଯେ ଦୁଷ୍କର୍ମ

  ବଢୁଅଛି ଏଠି ନିତି ।।୪।।

ଶୁଣ ଜନ ଗଣ ସଂଗ୍ରାମୀ ଜୀବନ 

  ନହେଉ ଏଠି ବିଲୀନ ,

ଅନ୍ୟାୟର ପଥ କରିଣ ନିପାତ 

 ରଖିବା ତାଙ୍କ ସମ୍ମାନ ।।୫।।

ତାଙ୍କ ସ୍ମୃତି ପାଇଁ ସର୍ବେ ଏକ ହୋଇ 

  ଅଗଷ୍ଟ ପନ୍ଦର ଦିନ ,

ପ୍ରତି ବରଷ ସ୍ଵାଧୀନତା ଦିବସ 

 କରୁଛି ଦେଶ ପାଳନ ।।୬।।