ସ୍ୱାଗତଂ ନୂଆବର୍ଷ

ରାତିକୁ ଆୟୁଷ ମାଗୁଥିବା 

ଜହ୍ନିଫୁଲ ଓଠେ ହସ 

ଆସୁଛି ନବବର୍ଷ 

ମହୁଆ ମଳୟ ସଞ୍ଜରେ 

ଅସହଜ ଜୀଵନକୁ ଦେଖୁଥିବା 

ପ୍ରଜାପତି ଭଅଁର ପିଠିରେ 

ଚିତ୍ରହାର ଶୋଷ 

ଆସୁଛି ଯେଣୁ ନବବର୍ଷ

କାଶତଣ୍ଡୀ ପଠାରେ 

ପ୍ରତୀକ୍ଷାର ଅନ୍ତହୀନ ଅପେକ୍ଷା 

ଭଉଁରୀ ଖାଇ ଫେରୁଥିବା ଢେଉ 

ସୁରିଲା ସ୍ବପ୍ନର ହୃଦ ମନ 

ହାଉଯାଉ ହେଉଥାଉ 

ଆସୁଛି ନବବର୍ଷ ପିନ୍ଧି ହଳଦୀ ପାଟ 

ସରସ ସୁନ୍ଦର ଶିଶୁ ଓଠେ ହସ 

ଅଳ୍ପ ଗଳ୍ପର କୁହୁ କବିତାରେ ଭରି ମହୁ 

ଆସ ନୂଆବର୍ଷ 

ସିନ୍ଦୁରା ଫାଟିଲେ ସୂର୍ଯ୍ୟ ଉଇଁଲେ

ନୀଳ ନୀଳ ରଙ୍ଗର ଆକାଶ 

ଏବେ ତାରାଫୁଲ ମାଖି ହେବ ବେଶ 

ନବବର୍ଷର ପାଇ ପରଷ ଲଭି ଆଶିଷ 

ସମୁଦ୍ର ବି ଢେଉ ପିଟେ 

ବାଲୁକା ଶଯ୍ୟାରେ ଅବଶ୍ୟ ହୋଇ ଅବଶ 

ବିବର୍ତ୍ତମାନ ପୃଥିବୀର କୀୟଦଂଶ 

ଆଜିବି ପାଳୁଛି ହୋଇ ହର୍ଷ 

ସ୍ୱାଗତ କରିବାକୁ ବିନ୍ଦୁରେ ସିନ୍ଧୁନୀରେ 

ଆସୁଛି ଯେଣୁ ଆଉ ଗୋଟେ ବର୍ଷ 

ବର୍ଷକ ଯାକ ବାରମାସ ତା ଅଗଣା 

ଅରଣା କି ବରଣା ଅବା ଫୁଲର ପିୟୁଷ 

ଦେଖିବ ବୋଲି ମାଟିମାଆ ରହିଛି ଅନେଇ 

କହୁଛି ନଯାଅ ଦନେଇଙ୍କ ପାଶ 

ବସ ହସ ରସ ଆସୁଛି ନବବର୍ଷ ନେଇ ପା ବାସ