ସ୍ୱାଧୀନତା

ଅତି ଲେମ୍ବୁ ଚିପୁଡିଲେ ପିତା ଜାଣିବି

ତୁମକୁ ଆଵଶ୍ୟକଠୁ ଅଧିକ

 ପ୍ରାଧାନ୍ୟ ଦେଇଥିଲି

ସେଥିପାଇଁ ବୋଧେ ଆଜି

ମୋ ଭିତରେ ଏତେ ଶୁନ୍ୟତା

ସେଥିପାଇଁ ବୋଧେ ପ୍ରେମର ଓ 

ସ୍ନେହର ଛୁରି ଧରି ମତେ ହାଣିବାରେ 

ତୁମେ ଉତ୍ତୀର୍ଣ୍ଣ ହେଇଗଲ।

ସେଥିପାଇଁ ବୋଧେ 

ଛଳନା ଓ ମିଛ ସମ୍ପର୍କରେ ବାନ୍ଧି

ମତେ ହରେଇବା ସହଜ ହେଇଗଲା।

ଆଜି ବି ତୁମେ ଛାତିକୁ ଫୁଲେଇ କହିଗଲ

ମୁଁ ଯାହା କରୁଛି କିଛି ବି ଭୁଲ କରୁନି

ତୁମର ଅବସ୍ଥା ପାଇଁ 

ମୁଁ କେବେବି ଦାୟୀ ନୁହେଁ।

ମୁଁ ଜାଣି ପାରୁନି

ତୁମେ ମତେ ଭୁଲି ପାରୁନ କାହିଁକି?

ଏ ସମ୍ପର୍କକୁ ନେଇ 

ଏତେ ଭାବନା କାହିଁକି?

ସତରେ ମୁଁ କିଛି ବୁଝିପାରୁନି

ତୁମ ପ୍ରଶ୍ନର କି ଉତ୍ତର ଦେବି?

ଜାଣିଛ, ପଦାର୍ଥବିଜ୍ଞାନ

ଅନସରଟେନିଟି ପ୍ରିନ୍ସିପଲ ପରି

ହୃଦୟ ଖଣ୍ଡ ଖଣ୍ଡ ହେଲା ବେଳେ

ଏକା ସମୟରେ ଦୁହିଁଙ୍କୁ କଷ୍ଟ ହୁଏନି

କଷ୍ଟ କେବଳ ଜଣଙ୍କୁ ହୁଏ

ହୃଦୟ କେବଳ ଜଣଙ୍କର ଭାଙ୍ଗେ

ଦୁହିଁଙ୍କୁ କଷ୍ଟ ହେଇଥିଲେ 

ହୃଦୟ ଭାଙ୍ଗୁ ଭାଙ୍ଗୁ ରହି ଯାଇଥାନ୍ତା

ଛାଡ଼,

ସ୍ୱାଧୀନତା ଦିବସର ଅଭିନନ୍ଦନ।