ରଙ୍ଗ୍ ନମ୍ବର୍

କହିଲେ ଦୁଃଖରେ         ଜଣେ ବନ୍ଧୁବର

ହୋଇଗଲା ଭୁଲ ମୋର

ଝିଅ ଦେଖି ଟିକେ      ଲିଫ୍ଟ୍ ଦେଇ ଦେଲି

           ଭାବିଲି ଫିଲିମି ଷ୍ଟାର୍ (1)            

ଘର ଆସିଗଲା           ରଖିଦିଅ ଗାଡି

ବସ୍ତି ଆଗେ କଲା ଠିଆ

କହିଲା ରଗଡି           କଲରଟା ଧରି

ଛେଡ୍ ଛାଡ୍ କଲୁ କିଆଁ (2)

ମୋବାଇଲି ଦିଅ          ବଟୁଆ ବି ଦିଅ

ଚେନ୍ ମୁଦି ଦିଅ କାଢି

ପାଟି ଫିଟେଇଲେ       ଭାଇ ଆସିଯିବେ

ରହିବନି ନିଶ ଦାଢୀ (3)

ଦେଖିଲି ସେ ପଟେ   ଲୁଙ୍ଗି ପିନ୍ଧା ପଲେ

ବସିଛନ୍ତି ଠେଙ୍ଗା ଧରି

ହୋଇଥିବେ ଯଦି     ତାଆ ବୋପା ଭାଇ

ଲାଭ ନାହିଁ ପାଟି କରି (4)

ସବୁ ଦେଇସାରି             କହିଲି ଭଉଣୀ

ହଟହଟା କଲ କିଆଁ

ଭାବିଲୁକି ମୋତେ        ଝିଅଟିଏ ବୋଲି

ମାରିଦେଲା ଗୋଟେ ଡିଆଁ (5)