ରିକ୍ତ ଯାତନା

ହୃଦୟ ଭାଙ୍ଗୁଛି ଭାଙ୍ଗିଯାଉ ପଛେ

    ଯୋଡିଲେ ମିଳିବ ବହୁ ଆଘାତ,

ଭାଙ୍ଗିବାକୁ ଏଠି ବହୁତ ଅଛନ୍ତି

    ଯୋଡ଼ିବାକୁ ଗୋଟେ ମିଳେନି ହାତ ।

ସମ୍ପର୍କ ତୁଟୁଛି ତୁଟିଯାଉ ପଛେ

    ଯୋଡିଲେ ମିଳିବ କେବଳ ଖାଦ,

ଯୋଡ଼ା ସମ୍ପର୍କରେ ମିଳିବକି କୁହ

    ପୂର୍ବ ସମ୍ପର୍କର ସେ ମିଠା ସ୍ଵାଦ ।

ବିଶ୍ଵାସ ଭାଙ୍ଗୁଛି ଭାଙ୍ଗିବାକୁ ଦିଅ

     ଯୋଡିଲେ ମିଳିବ ସନ୍ଦେହ ବୀଜ,

ଅବିଶ୍ୱାସ ଯଦି ମନେ ବସା ବାନ୍ଧେ

     ବିଶ୍ଵାସ ହୁଏନି ଯେତେବି ଖୋଜ ।

ମନଟା ପୋଡ଼ୁଛି ପୋଡ଼ିବାକୁ ଦିଅ

     ଯୋଡିଲେ ମିଳିବ ଖାଲି ଯାତନା ,

ଯେତେ ବି ଲଗାଅ ମଲମ ସେଥିରେ

     ଦାଗତ ଦେଖିଲେ ଦେବ ଯନ୍ତ୍ରଣା ।

ହୃଦୟ, ସମ୍ପର୍କ, ମନର ବିଶ୍ଵାସ 

     ଅବିଶ୍ୱାସ ପୂର୍ଣ୍ଣ ବିଷ ଛଳକୁ ,

ମମତା ବନ୍ଧନ ସ୍ନେହ ପ୍ରତିଦାନ

     ଭାଙ୍ଗିଦିଏ ସବୁ ମନ ବଳକୁ ।