ରାକ୍ଷୀ
ରାକ୍ଷୀ
ସୂତା ଖିଅଟିରେ ଗୁନ୍ଥା ହୋଇ ଥାଏ ଅତିଯତନରେ,
ରଙ୍ଗ ବେରଙ୍ଗର ପୁନ୍ତି, ତୁଳା, ଚମକୁଥିବା ଜିନିଷ ।
ଗୋଲାପ, ରଜନୀଗନ୍ଧା ପରି ନାନା ଜାତି ଫୁଲରେ,
ପତ୍ରଟିଏ ଦେଇ ସଜା ହୋଇଥାଏ ଭଳିକି ଭଳି ।
ପୁଣି ସୁନା, ରୂପା ପରି ଚିକ୍ ମିକ୍ କରୁଥିବା ଚେନ୍,
ଏବେ ଭାଇ ମାନଙ୍କ ହାତରେ ଶୋଭା ପାଇଲାଣି ।
ଏସବୁ ଜିନିଷର ବ୍ୟବହାର କରି କାରିଗର ମାନେ,
ସୁନ୍ଦର ସୁନ୍ଦର ରାକ୍ଷୀ ପ୍ରସ୍ତୁତ କରିଥାନ୍ତି ।
ନାଁ କୁ ମାତ୍ର ଏ ରାକ୍ଷୀଟିଏ ପରିଚୟ ପାଇଥାଏ,
ପ୍ରକୃତରେ ଅନାବିଳ ସ୍ନେହ, ଶ୍ରଦ୍ଧା, ପ୍ରେମର ପ୍ରତିକ
ହେଉଛି ଭାଇ ପାଇଁ ଭଉଣୀର ରାକ୍ଷୀ ।
ସୁଖରେ ଦୁଃଖରେ ଭଉଣୀ ପାଖରେ ଠିଆ ହେବା
ହେଉଛି ଭାଇର କର୍ତ୍ତବ୍ୟ ।
ପ୍ରତି ବରଷକୁ ଥରେ ମନେ ପକାଇ ଦେବା ପାଇଁ
ଶ୍ରାବଣ ପୂର୍ଣ୍ଣିମା ତିଥି ବଳଦେବଙ୍କ ଜନ୍ମ ଦିବସରେ,
ଏହି ପରବ ପାଳନ କରାଯାଇଥାଏ ।
ରାକ୍ଷୀ" ଭାଇ ଭଉଣୀର ସମ୍ପର୍କରେ ଗଙ୍ଗା ହୋଇ
ସମସ୍ତଙ୍କ ଜୀବନରେ ପବିତ୍ରତା ଭରି ଦେଉ ।
ତିଳେ ହେଲେ କାହିଁ ନିଜ ସ୍ବାର୍ଥ ପାଇଁ କେବେ
ଭଉଣୀଟିଏ ବଳି ନପଡ଼ି ସଂସାର ଉଜ୍ଜଳ କରୁ ।
ଏହାହିଁ ହେଉଛି ସମସ୍ତଙ୍କ ପାଇଁ ଏ ରାକ୍ଷୀରେ
ଦିନହୀନ ଜନ ଅକ୍ଷୟ ବଚ଼ନ ।