ଲାଇବ୍ରେରୀ
ପ୍ରୋଫାଇଲ୍
ପ୍ରତାରଣା
ପ୍ରତାରଣା
1 min
196
ରାତି କୁ' ନିଅଣ୍ଟ ଯାହାଥିଲା କଣ୍ଟ
ଆଖିକୁ ନିଅଣ୍ଟ ନିଦ
କି' ଥିଲା ନିଅଣ୍ଟ କହି ଚୋର,ଖଣ୍ଟ
ଦେଲ ଏତେ ଅପବାଦ,
ପାଇଥିଲି ପ୍ରୀତି କି' ଦିନ କି' ରାତି
ସୁନାନାକୀ ଚମ୍ପା ଗୋରୀ
ଗୋଧୂଳି ଲଗନେ ଆଡ଼ ନୟନରେ
କରିଥିଲା ମନ ଚୋରି,
ଏବେ ଯଦି ସିଏ ବାଟ ଭୁଲିଯାଏ
କା'ସାଥେ କରିବି ବାଦ....
ରାତିକୁ ନିଅଣ୍ଟ ଯାହାଥିଲା.........।
ପାଇବିକି ଖୋଜି ଯାହାଗଲା ହଜି
ସମୟ ନଈ'ର ଧାରେ
ବାହୁଛି ନଉକା ଆଜି ଏକା ଏକା
ଜୀବନ ଯମୁନା ତୀରେ,
ମୋତେନାହିଁ ଜଣା ତାହାର ଠିକଣା
କେଉଁଠି ଖୋଜିବି କେତେ
ସିଏ ଆସିବାର ପାଇଲେ ଖବର
ଜଣାଇବ କେହି ମୋତେ,
ତାକୁଥରେ ଦେଖି ବୁଜିଦେଲେ ଆଖି
ମନେ ନ'ରହିବ ଖେଦ......
ରାତିକୁ ନିଅଣ୍ଟ ଯାହାଥିଲା...........।
