ପ୍ରଣୟିନୀ
ପ୍ରଣୟିନୀ
1 min
179
ରକ୍ତ ମନ୍ଦାର ତୁମର ଅଧର
କିଆଁ କେତକିର ତନୁ
ଆମ୍ବ ବଉଳର କେଶବିନ୍ୟାସରେ
ଶାଢ଼ୀ ରଙ୍ଗ ଇନ୍ଦ୍ରଧନୁ ।
ସଦାବିହାରୀର ଟିକିଲି ମଥାରେ
ଭୃଳତା ଅପରାଜିତା
ଆଖି ତନ୍ଦ୍ରା ଭରା ନିଳକଇଁ ତଳେ
ଓଠରେ ତିଳ ଛିଟା ।
କପାଳପଲ୍ଲବ ଗାଲ ବି ଗୋଲାପ
ନାସା କନିଅର ଫୁଲ
ପଦୁଆଁ ମୁଖରେ ହସ ମଲ୍ଲୀ କଢି
ତୁଳନା ହେବନି ମୂଲ ।
ବେକରେ ନାଇଛ ଜୁଇ ଯାଇ ହେନା
ବକୁଳ ଫୁଲର ହାର
ରଜନୀ ଗନ୍ଧାର ଦନ୍ତପନ୍ତି ଧାର
ମୁଚୁକୁନ୍ଦ ହସ ଗାର ।
ମାଳତୀ ଲତାର ଅଳତା ପାଦରେ
କରଂଜ ଫୁଲର ଗଭା
ପଲାସ ଫୁଲରେ ଓଢଣୀ ପକେଇ
ପ୍ରେମିକା ହୋଇଲେ ଉଭା ।
କାଗଜି ରଙ୍ଗର ଚାଦର ଉପରେ
ଆଦର କରିଲେ ମତେ
କୋଇଲି ତାନରେ ଫଗୁଣ ଗାନରେ
ପରାଣ କିଣିଲେ ସତେ ।