ପ୍ରେମରେ ପ୍ରେମରେ
ପ୍ରେମରେ ପ୍ରେମରେ
ସୃଷ୍ଟି ଆରମ୍ଭରୁ ଅନାଦି ଯୁଗରୁ
ପ୍ରେମ ର ଶାଶ୍ଵତ ଆଭା
ସୁର ନର ସର୍ବେ ଇତର ପ୍ରାଣୀଏ
ପ୍ରେମ ଦଉଡ଼ିରେ ବନ୍ଧା ।
ପ୍ରେମ ସତ୍ୟ ଶୀବ ସ୍ଵର୍ଗିୟ ସୁଷମା
ନିତ୍ୟ ସଦା ଚିରନ୍ତନ
ସଂସାର ରେ ପ୍ରେମ ଅମୂଲ୍ୟ ବାରିଧି
ନାହଁ ତାର ପ୍ରତିଦାନ ।
କାମନା ରହିତ ସ୍ଵାର୍ଥହୀନ ପ୍ରେମ
ହୃଦୟ ମନ୍ଦିରେ ସଦା ସଂସାରରେ
ଶ୍ରେଷ୍ଠ ପ୍ରେମ ନିଦର୍ଶନ
ଶ୍ରୀକୃଷ୍ଣଙ୍କ ସଙ୍ଗେ ରାଧା ।
ଅଢେ଼ଇ ଅକ୍ଷର ହେଲେବି ପ୍ରେମରେ
ଛଳନା ର ନାହଁ ସ୍ଥାନ
ବିଶ୍ଵାସ ଭରଷା ପ୍ରିତିର ଫଗୁଣେ
ଦେଉ ନବ ଦିଗଦର୍ଶନ ।
ପ୍ରେମ ସୁଧାମୟ ପ୍ରେମ ଅନାବିଳ
ଅମୃତର ଅନୁଭବ
ପ୍ରେମ ବିନା ସାରା ଜଗତ ଅଧୁରା
ବିଭୁ ପ୍ରେମେ ଲଗା ଭାବ ।

