କଳାଠାକୁର
କଳାଠାକୁର
1 min
206
ଚକାଚକା ଆଖି ଦେଖିଦେଲେ ଥରେ
ପେଟ ପୂରି ଯାଏ ମୋର
ହୃଦୟ ତନ୍ତ୍ରିରେ ଶିହରଣ ଖେଳେ
ତୁମେ ମୋ କଳାଠାକୁର ।
ତ୍ରିଭୂବନ ତୁମ ନୟନେ ହଜିବ
ମଉଳିବ ରବି ତେଜ
କଳାମୁଖେ କୋଟି ଲାବଣ୍ୟ ମୁକୁତା
ମଦନ ବରିବେ ଲାଜ ।
ଭକତ ଭାବରେ ସଦା ତୁମେ ବଶ
ଚାରି ଯୁଗେ କଲ ଲୀଳା
ତବ ଅଙ୍ଗୁ ସୃଷ୍ଟି ସ୍ଥିତି ଓ ପ୍ରଳୟ
ପଞ୍ଚ ମହାଭୂତେ ବୋଳା ।
ନୀଳସିନ୍ଧୁ ତୀରେ ଶିରିମନ୍ଦିରରେ
ରତ୍ନ ସିଂହାସନେ ବସି
ଅଭୟ ବରରେ ଆଶୀର୍ବାଦ ଦେଇ
ପାପ ଦେଉଅଛ ନାଶି ।
ଦୁଃଖିଟିଏ ଡାକେ ତୋ ସିଂହ ଦୁଆରେ
ଦାତା ପଣେ କରୁ କୃପା
ପରମ ଦୟାଳୁ ଆହେ ଦୀନବନ୍ଧୁ
ଜଗତକୁ କର ରକ୍ଷା ।
