ମାତା ବୀଣାପାଣି
ମାତା ବୀଣାପାଣି
ଶ୍ଵେତ ପଦ୍ମ ପରେ ବସି ବୀଣାପାଣି
ସିଦ୍ଧି ବୁଦ୍ଧି ଜ୍ଞାନଦାତ୍ରୀ ପ୍ରଦାୟିନୀ ।
ଆଭୂଷଣେ ଶୁକ୍ଳ ବସ୍ତ୍ର ପରିଧାନ
ହସ୍ତରେ ପୁସ୍ତକ ବୀଣା ଶୋଭାବନ ।
ଶୁଭ୍ର ଜ୍ୟୋତି ମୁକ୍ତାହାର ଗ୍ରୀବାଦେଶେ
ଦିବ୍ୟ ତେଜେ ଆଭା ଜଗତେ ପ୍ରକାଶେ ।
ପଦ୍ମାସନେ ଉଭା ମାତା ସରସ୍ୱତୀ
ଅଜ୍ଞାନ ନାଶିବେ ହଂସ ପୃଷ୍ଠେ ବସି ।
ବ୍ରହ୍ମା ଙ୍କ ମାନସ ନନ୍ଦିନୀ ଶାରଦା
ସକଳ ବିଦ୍ୟାର ଅଧିଷ୍ଠାତ୍ରୀ ସଦା ।
ତବ କୃପାବଳେ ଅସାଧ୍ୟ ସାଧନ
ଅଗାଧ ପାଣ୍ଡିତ୍ୟ ଲଭେ ମୂର୍ଖ ଜନ ।
ବିଦ୍ୟା ବୁଦ୍ଧି ଜ୍ଞାନ ସାରସ୍ବତ ବିନ୍ଦୁ
କଳା ସାହିତ୍ୟ ରେ ଲଙ୍ଘିପାରେ ସିନ୍ଧୁ ।
କାଳିଦାସ ଲଭି କରୁଣା ତୁମ୍ଭର
ଜଗତେ ପ୍ରକାଶେ କାବ୍ୟ ର ସମ୍ଭାର।
ଉପଇନ୍ଦ୍ର ଭଞ୍ଜ ଶ୍ରୀ ସାରଳା ଦାସ
ଲଭି କୃପା ତବ ରଖିଗଲେ ଯଶ ।
ମାଘ ମାସ ଶୁକ୍ଳ ପଞ୍ଚମୀ ତିଥିରେ
ପୂଜା ପାଅ ଦେବୀ ବିଦ୍ୟାନୁଷ୍ଠାନ ରେ ।
ଜ୍ଞାନ ଜ୍ୟୋତି ଦିପ୍ତୀ ଜାଳି ସର୍ବ ହୃଦେ
ବିରାଜିତ ହୁଅ କଣ୍ଠ ରେ ଶାରଦେ ।
