ପ୍ରେମର ପ୍ରଥମ ପୁଲକ

    ସବୁ ଅନୁଭବ ଠାରୁ ନିଆରା 

   ସବୁ ଫୁଲ ଲାଗେ ଗୋଲାପ ପରି 

   ସବୁ ରଙ୍ଗ ଦିଶେ ଗୋଲାପି ପରି 

   ସବୁ ଋତୁ ଲାଗେ ବସନ୍ତ ପରି 

   ସବୁ ମାସ ଲାଗେ ଫାଲ୍ଗୁନ ପରି 

   ସବୁ ଦିନ ଲାଗେ ମଧୁମୟ 

   ସବୁ ରାତି ଲାଗେ ରଙ୍ଗମୟ 

   ନୀଳ ଆକାଶରେ ପକ୍ଷୀଟିଏ ଭଳି ଉଡିବାକୁ ଇଚ୍ଛା ହୁଏ 

   ମନ ରାଇଜରେ ରାଣୀଟିଏ ଭଳି ପ୍ରତୀତ ହୁଏ 

   ବିନା ଘୁଙ୍ଗୁରରେ ନାଚିବାକୁ ଇଚ୍ଛା ହୁଏ 

  ପ୍ରତିମୂହୁର୍ତ୍ତରେ ଗୁଣୁ ଗୁଣୁ ହୋଇ ଗୀତ ଗାଇ ହୋଇଯାଏ 

  ଭୋକ ଶୋଷ ନିଦ ଆପେ ଆପେ ହଜିଯାଏ   

 କବିଟିଏ ଭଳି ଲେଖି ହୋଇଯାଏ ଅନେକ ପ୍ରେମର ଗୀତ 

 ଶିଳ୍ପୀଟିଏ ଭଳି ରଙ୍ଗତୂଳୀ ଧରି ଆଙ୍କି ହୋଇଯାଏ ଚିତ୍ର 

  ନିଶା ନ ନେଇ ବି ମତୁଆଲା ଭଳି ଅନୁଭବ ହୁଏ ନିରନ୍ତର 

  ପ୍ରତିମୂହୁର୍ତ୍ତରେ ମନ ହୋଇଥାଏ ଅସ୍ଥିର 

   ଅବିର ବୋଲି ହୋଇଯାଏ ସାରା ଦେହରେ 

  ବିଜୁଳି ଚମକ ଖେଳି ଯାଏ ସାରାା ଶରୀରେ 

   ଆକାଶରୁ ଜହ୍ନ ତୋଳିବା ପାଇଁ ମନ ହୁଏ ଉଚ୍ଛନ

    ଦେଖିବାକୁ ଇଚ୍ଛା ହୁଏ ପୁଣି ଦିନରେ ସପ୍ନ 

  ପ୍ରତି ନିଃଶ୍ୱାସ ପ୍ରଶ୍ୱାସ ରେ ପ୍ରଥମ ପୁଲକ ପ୍ରେମର

  ଭାଷା ନାହିଁ ବର୍ଣ୍ଣିବାକୁ ଏହା ଏତେ ଯେ ଗଭୀର 

  ଦିନ ରାତି ସବୁ ସମାନ ଲାଗେ ଜଣା ପଡେ ନାହିଁ ଫରକ 

                ଏଇତ ପ୍ରେମର ପ୍ରଥମ ପୁଲକ 

                 ଏଇତ ପ୍ରେମର ପ୍ରଥମ ପୁଲକ ।।