ପ୍ରେମର ମାନେ
ପ୍ରେମର ମାନେ
ପଚାରିଦେଲା ସେ ଫିସ୍ ଫିସ୍ କରି
"ପ୍ରେମର ମାନେଟି କଣ
କହିଦେଲି ମୁଁ ଯେ ଫୁସ୍ ଫୁସ୍ କର
"ଆପେ ଆପେ ତୁମେ ଜାଣ ।
ତା' ପରେ ଚାଲିଲା ତମ୍ ତମ୍ ହୋଇ
ଡାକିଲି ପକେଇ ରାଣ
ପଛକୁ ବୁଲି ମୁହଁକୁ ମୋଡ଼ିଲା କହିଲି
"ତୁମେ ତ ମୋର ଜୀବନ ।
ତୁମେ ମୋର ମନ ତୁମେ ତ ମୋ ପ୍ରାଣ
ତୁମେ ମୋର ଗଣ୍ଠିଧନ
ତୁମକୁ କହୁଛି ବୁଝେଇ ଶୁଣ ଗୋ
ତୁମେ ମୋର ପ୍ରୀତି ପ୍ରେମ ।
ମନକୁ ପାଇଲା କଥାଟି ମୋହର
ପାଖକୁ ଆସି କହିଲା
"ପ୍ରେମମାନେ ମୁଁ ଏୟା କହିବାକୁ
ଏତେ ସମୟ ଲାଗିଲା ।
ଫିକ୍ କରି ହସି ଦାନ୍ତ ଦେଖେଇଲି
ମୁଣ୍ଡ ମୋ ସେ ଆଉଁସି ଦେଲା
ଫଟ୍ କରି କଥା ସମ୍ଭାଳି ନେବାରୁ
ଆଜି ମଣିଷ ସତେ ବଞ୍ଚିଲା ।