ପ୍ରେମଦାସୀ

ନିର୍ଜନ ନିସ୍ତବ୍ଧ ରାତ୍ରି ବହଳ ଅନ୍ଧାର

ଅନ୍ଧାର ଭିତରେ ନଭେ ତାରକା ସୁନ୍ଦର

ସୁନ୍ଦର ଜହ୍ନର ଜ୍ୟୋତ୍ସା ମନ ମୋ'ଆତୁର

ଆତୁର ପରାଣ ଖୋଜେ ପୀରତି କାହାର ।

କାହାର ଭାବନା ଭରେ ହୃଦୟେ କମ୍ପନ

କମ୍ପନ ନୁହେଁ ସେ ମିଠା ମୃଦୁ ଶିହରଣ

ଶିହରଣ ବୁଣିଦିଏ  ଆଖିତଳେ ସ୍ୱପ୍ନ

ସ୍ୱପ୍ନ ଲୁଟିନିଏ ନିଦ ରାତି ସାଜେ ଦିନ ।

ଦିନରାତି ବିତିଯାଏ ଅକୁହା ସେ ଭାବ

ଭାବ ଜଳେ ସିକ୍ତ ତନୁ କାହାକୁ କହିବ

କହିବ କି ଯଉବନେ ଖୁସି କେ ଭରିବ

ଭରିବ ଜୀବନ ତୃଷ୍ଣା ପ୍ରୀତି ସ୍ପର୍ଶ ଦେବ ।

ଦେବ କିଏ ଉପହାର ସାଥି ରୂପେ ଆସି

ଆସିବା ବାଟକୁ ଚାହିଁ ଅଛି ପ୍ରେମ ଦାସୀ ।