ପରଦାଫାସ୍

ଭାବୁଥିଲି 

ଫୋନକଲ୍ ଆସିଲେ କହିବି 

ଭଲରେ ଅଛି ଭଲେଇ ହେବି

ମସ୍ତିରେ ଅଛି ଗେହ୍ଲେଇ ହେବି

 ମଜାରେ ଅଛି ଚିଡେଇ ଦେବି

ଖୁବ୍ ଖୁସିରେ ଅଛି ଚିଗୁଲେଇ ଦେବି

ତୁମ ବିନା

ତୁମ ଉପସ୍ଥିତି ବିନା

ବଦମାସ୍ ଲୁହ 

ଦେଇମାନ୍ ଆଖି 

ଭିତର କଥାକୁ ପଦାରେ ପକେଇ ଦେଲେ

ଝରିଗଲେ ଆପେ ଆପେ 

ଟପ୍ ଟାପ୍ ଝର୍ ଝର୍

ପରଦା ଫାସ୍ କରିଗଲେ

ଗୁମର କଥାକୁ ଖୋଲେଇ ଦେଲେ 

ଅନ୍ତର ତଳେ ସାଇତା ସ୍ନେହକୁ ମେଳେଇ ଦେଲେ

ବୁହେଇ ଦେଲେ ମୁକୁଳେଇ ଦେଲେ

ଭାବୁ ଭାବୁ ତୁମକୁ

ଭାବନାରେ ଉବୁଟୁବୁ ହେଉ ହେଉ

ଅମାନିଆ ହେଲେ

ଝରି ପଡ଼ିଲେ 

ଗାଲ ଡେଇଁ ବହି ପଡ଼ିଲେ

ମାତ୍ର ଫୋନ୍ କଲ୍ କାହିଁ

ଆସିନି ଆଯିଯାଏଁ

ମାତ୍ର ମନରେ ସେତୁବନ୍ଧ ଆସ୍ଥା 

ଆସିବ ହିଁ ଅବଶ୍ୟ ଆପଣାଛାଏଁ

ଆଜି ନୁହେଁ ତ ଆସନ୍ତାକାଲି

ଅତ୍ୟନ୍ତ ମ୍ୟାସେଜ୍ ଆସିବ ଭାବନା ମୁହେଁ