ପ୍ରବାସୀର ଦୁଃଖ
ପ୍ରବାସୀର ଦୁଃଖ
ରାଇଜ ସୀମାରେ ପ୍ରବାସୀଙ୍କ ଭିଡ
କରୋଣା ଟେକିଛି ଫଣା
ଘରମୁହାଁ ଲୋକେ ତାଲାବନ୍ଦ ଯୋଗୁ
ସବୁ ଏବେ ବାଟବଣା ।
ଜୀବନ ବିକଳେ ସଭିଏଁ ଖୋଜନ୍ତି
ଗଳାବାଟ ଅଛି କାହିଁ
ଜୀବନକୁ ତାଙ୍କ ବାଜି ଲଗାନ୍ତି ସେ
ଘରେ ପହଞ୍ଚିବା ପାଇଁ ।
ପିଲା ପରିବାର ସାଥେ ଧରି କିଏ
ଚାଲିଚାଲି ଘର ମୁହାଁ
ହ°ସା ଉଡିଯାଏ ଶହଶହ କୋଷ
ଆଖି ପାଉନାହିଁ ଗାଁଆ ।
ବାଟଘାଟେ ସବୁ କଟକଣା ଯୋଗୁ
ଜଳପଥ ଖୋଜିଖୋଜି
ଡଙ୍ଗା ଭଡାକରି ଆସୁଛନ୍ତି କେତେ
ଖରା ବରଷାରେ ଭିଜି ।
ସବୁ ଯାତନାକୁ ପାଶୋରି ପକାନ୍ତି
ଘରକଥା ଭାବିଭାବି
ହେଲେ ଏଣେ ଭାଇ ଘର ଦ୍ବାର ମନା
କରୋଣା ବସିଛି ଜଗି ।
ପ୍ରବାସୀଙ୍କ ଯୋଗୁ କରୋଣା ର ଭୟ
ବଢୁଛନ୍ତି ସ°କ୍ରମିତ
ପ୍ରବାସରେ ଏଣେ ଲକ୍ଷଲକ୍ଷ ଲୋକ
ହେଉଛନ୍ତି ଛଟପଟ ।
ସେଥିପାଇଁ ଏବେ ବଢେ କଟକଣା
ସଭିଙ୍କର ହିତ ପାଇଁ
ପ୍ରବାସୀ କେହିତ ଗାଁଆକୁ ଆସିଲେ
ନିସଙ୍ଗେ ରହିବ ଯାଇ।
ଘରଲୋକ ସବୁ ଚାହିଁ ବସିଥିବେ
ତାଙ୍କରି ଫେରିବା ରାହା
କରୋଣା ଯୋଗୁତ ସହଜରେ ଏବେ
ହେବନାହିଁ ଦେଖାଚାହାଁ ।
ଭଲାରେ କରୋଣା ଏଡିକି ନିର୍ଦ୍ଦୟ
ବୁଝୁନା ମମତା ମୂଲ
ଆପଣା ଲୋକଙ୍କୁ ପରକରିଦେଇ
କରୁ ନିତି କଲବଲ ।