ଫୁଲେଇ ରଜ

ହଜି ଯାଇଅଛି ପୁରୁଣା ରଜ

କାହିଁ ସେହି ସଜ୍ଜ ବାଜ

ନାହିଁ ଆମ୍ବ ଡାଳ ବର ଓହଳ

ମନେ ପଡୁଅଛି ଆଜ l

ଭଉଣୀ ଖୋଜୁନି ଭାଇକି ଆଜି

ବନସ୍ତେ ଡାକୁନି ଗଜ

ଗଛ ଟିଏ ନାହିଁ ଦିଶୁନି ଦୋଳି

ଖାଲି ଦିଶେ ସଜ୍ଜ ବାଜ l

କାନେ ବାଜୁ ନାହିଁ ରଜ ସଂଗୀତ

ସ୍ମୃତରୁ ହଜିଛି ଆଜ

ବନ ପ୍ରାଣୀ ଆମ ଅଦୃଶ୍ୟ ଆଜି 

କ୍ଷିଣ ତାଙ୍କର ସମାଜ l

ଭାଇ ଭଉଣୀର କାହିଁ ସେ ସ୍ନେହ

ନାହିଁ ପୁରୁଣା ରାଇଜ

ଇଜ୍ଜତ ମହତ ସବୁ ଗଲାଣି

ଭୁଲିଛି ସଂସ୍କାର ହେଜ l

ପୋଡ଼ ପିଠା ଆଜି ଘରେ ନ ଦିଶେ 

ଖାଇବାରେ ନାହିଁ ମଜ୍ଜା 

ସ୍ୱଇଗି ଜମାଟୋ ଅର୍ଡର ଦେଲେ

ଖାଉ ଚା'ଓମିନ ପିଜା l

କେହି ଖେଳୁନାହଁ ବାଗୁଡ଼ି ଖେଳ

ଲୁଙ୍ଗି ଗାମୁଛାରେ ସାଜ୍ଜ 

ପୁଞ୍ଚି କଉଡ଼ିରେ ହେଉନି ମେଳ

ଭାବିଲେ ଲାଗୁଛି ଲାଜ l

ଖାଲି ପରମ୍ପରା ଡେଙ୍ଗୁରା ପିଟେ

ହଜେ ସଂସ୍କୃତି ରାଇଜ 

ରଜର ମହତ୍ୱ ବୁଝେନି କେହି 

ଫୁଲେଇ ହେଉଛି ରଜ l