ଫଗୁଣକୁ ଅପେକ୍ଷାରେ ମୋଗାଆଁ

ପଲ୍ଲୀ ମୋ ଜୀବନ ପଲ୍ଲୀ ମୋର ପ୍ରାଣ

ପଲ୍ଲୀ ହିଁ ମୋର ସବୁକିଛି

ଆସ ହେ ଫଗୁଣ ବୁଣି ଦେଇଯାଅ 

ଫଗୁଣର ରଙ୍ଗ କିଛି ।

ମୃୃୃଦୁ ମଳୟରେ ଝୁମିିବ ଏ ମନ

ଫଗୁଣ ଆସ ହେ ଥରେ,

କୋଇଲିର କୁହୁ ଶୁଣିବାରେ ମନ

ରହିଛ ତୁୁୁମ ଅପେକ୍ଷାରେ ।

ତୁୁମ ଆଗମନେ ବଉଳର ବାସ୍ନା

ଚାରିଆଡେ ଉଠେ ମହକି,

ଆମ୍ବ କଷି ସବୁ ଜଗିବା ପାଇଁଟି

ଜେଜେ ବସିଛନ୍ତି ବାଡି ଧରିିିକିି।

ଶ୍ରୀ ରାଧାଗୋବିନ୍ଦ ବିମାନ ଦୋଳରେ

ପଲ୍ଲୀ ଭ୍ରମଣରେ ଯିବେ,

ଭକ୍ତ ଭଗବାନ ମିଳନ ଯେ ହେବ

ତୁମ ଶୁଭ ଆଗମନେ ।

ରଙ୍ଗହୀନ ନର ଜୀବନରେ ତୁମେ

ଭରିଦିଅ ରଙ୍ଗର ଅସରା,

ଶିିଶୁ ଠାରୁ ବୃଦ୍ଧ ସମସ୍ତଙ୍କ ଓଠେ

ଭରିଦିଅ ଖୁସିର ପସରା।

ଋତୁରାଜ ତୁମେ ମୋହରି ପଲ୍ଲୀକୁୁ

ଆସିବ କୁୁୁହ ହେ କେବେ,

ତୁମ ଆଗମନେ ପଲ୍ଲୀବାସୀମାନେ

ଆନନ୍ଦର ମଜା ନେବେ ।

ଆକାଶ ଛାତିରେ ଅନ୍ଧକାର ମଧ୍ୟରେ

ଚନ୍ଦ୍ରର ସ୍ଥାନ ଯେପରି,

ବରଷକେ ଥରେ ଋତୁମାନଙ୍କ ମଧ୍ୟରେ 

ତୁମରି ସ୍ଥାନ ସେପରି ।