ପଛରେ ରହିଲା ଚିହ୍ନାଚିହ୍ନା ଦିନ

ପଛରେ ରହିଲା ଚିହ୍ନାଚିହ୍ନା ଦିନ

ଆଗରେ ଝାପ୍ସା ସବୁ

 ଆଜି ପ୍ରିୟା ଯାଏ ସ୍ୱପ୍ନରେ ଭିଜି 

 ତୋ କଥା ମୁଁ ଭାବୁ ଭାବୁ l

ହଜିଲା ଦିନକୁ ଖୋଜିଲା ବେଳକୁ

ବେପଥୁ ରାଗିଣୀ ଶୁଭେ

ହାରି ହାରି ପୁଣି ଜିତିବା ପାଇଁକି

ମିଛଟାରେ ବସି ଭାବେ

କହରେ ସମୟ ପ୍ରିୟା ପାସେ ମୋର

ସତେକି ଫେରାଇ ନେବୁ l

ମେଘ ଆସେ ପୁଣି ଶୀତ ଲେଉଟୁଛି

ଫଗୁଣ ଆସୁଛି ଫେରି

ହାଟ ବାହୁଡା ମୁଁ ବୟସ ହାଟରେ

ନିଇତି ହେଉଛି ଝୁରି

ଅବୁଝା ପ୍ରିୟାମୋ ପ୍ରିତି ବରଷାରେ

ସତେକି ଭିଜେଇ ଦେବୁ l