ନମସ୍ତେ ଦେବୀ ଦଶଭୁଜା

ନମସ୍ତେ ଦେବୀ ଦଶଭୁଜା l

    ତିନି ପୁରରେ ତୋର ପୂଜା ll

ଦେବ ଗନ୍ଧର୍ବ ଯକ୍ଷ ନର l

      ଆବର ଅପ୍ସରା କିନ୍ନର ll

ସର୍ବେ କରନ୍ତି ତୋତେ ସ୍ତୁତି l

     ଖଣ୍ଡୁ ତୁ ଅଶେଷ ଵିପତ୍ତି ll

ଦୁର୍ଗତି କାଳେ ତୁହି ସାହା l

   ଏଣୁ ବୋଲାଉ ଦୁର୍ଗା ମାଆ ll

ତୁହି ମା' ଦୁର୍ଗତିନାଶିନୀ l

    ମା' ଚଣ୍ଡ ମୁଣ୍ଡ ବିଧ୍ୱଂସିନୀ ll

ଜୟ ମାଆ ତ୍ରିପୁରବନ୍ଦିତା l

     ବୋଲାଉ ତୁ ଅପରାଜିତା ll

କୌଣପ କୂଳେ ହୋଇ ଭାରି l

     ଆର୍ତ୍ତେ କାନ୍ଦିଲା ବସୁନ୍ଧରୀ ll

ଋଷି ଅମରେ ସର୍ବେ ମିଳି l

    ତୋତେ କରିଲେ ନିଉଛାଳି ll

ଅନଳୁ ହେଲୁ ଆବିର୍ଭୁତ l

       ବଧିଲୁ ରାକ୍ଷସ ବହୁତ ll

ଶୁମ୍ଭ ନିଶୁମ୍ଭ ରକ୍ତବୀର୍ଯ୍ୟ l

       ମହିଷାସୁର ରକ୍ଷ ରାଜ ll

ମାଆ ତୁ ମହିଷାମର୍ଦ୍ଦିନୀ l

      ଶକ୍ତି ସ୍ୱରୂପା ନାରାୟଣୀ ll

ଧୂମ୍ରାକ୍ଷୀ ମାତେ ତ୍ରିନୟନୀ l

      ଧୂମ୍ର ଲୋଚନ ବିନାଶିନୀ ll

ସିଂହବାହିନୀ ଦୟାମୟୀ l

     ତୁ ଆଦି ଶକ୍ତି ମହାମାୟୀ ll

ମାଆ ଲୋ ଅଯୋନିସମ୍ଭୁତା l

      ଦୁର୍ଗତି ହର ଆଦିମାତା ll

ପଣତ କାନି ତଳେ ତୋର l

    ଘୋଡ଼ାଇ ରଖ ଏ ସଂସାର ll

ନମସ୍ତେ ନମସ୍ତେ ଜନନୀ l

      ଏତିକି ମାତର ଦୟିନୀ ll

ନମସ୍ତେ ମାତେ ଶକ୍ତିମୟୀ l

      ତୋ ଅବ୍ଜ ଚରଣ ବନ୍ଦଇ ll