ନିତି ଭାବେ ତୁମକୁ

ଭୁଲି ପାରୁନାହିଁ ଭୁଲିବି କିପରି

ଅତୀତ ଅଭୁଲା ସ୍ମୃତି

ତୁମେ ଗଲା ଠାରୁ ଝରି ପଡେ ଖାଲି

ଆଖି ଲୁହ ଧାର ତାତି ।।

ଛାଇ ଆଲୁଅରେ ମୋ ଛାଇକୁ ଦେଖି

ଭାବେ ଅଛ ପାଶେ ମୋର

ଆବେଗେ ଅନାଇ ଲୁଚିକାଳି ଖେଳ

ପ୍ରେମରେ ହୋଇ ଅଧିର ।।

ଆଖି ପତାତଳ ଉଷୁମ ଲୋତକେ

ଲବଣାକ୍ତ ହୁଏ ଓଠ

ହୃଦୟ ଵେଦନା ସହିହୁଏ ନାହିଁ

ମନେ ଲାଗେ ଭାରି କଷ୍ଟ ।।

ହୃଦୟେ ବାନ୍ଧିଲି ଅଭୁଲା ଅତୀତ

ସମୟ ଫେରଇ ଧିରେ

ସତେ ଅବା ଏଇ ଯାତରା ପଥରେ

ଦେଖା ହେବ ନାହିଁ ଥରେ ।।

ନିର୍ଜନ ନିଶିଥେ ଖୋଜେ ମୁଁ ଏକାନ୍ତେ

ଅଜଣା ପରି ରାଇଜେ

ଆଖିର ଲୋତକ ଭରି ଯାଏ ମୋର

ଅନ୍ଧକାରେ କେଡେ ଖୋଜେ ।।

ଦୁଃଖ ନାହିଁ ମୋର ମନରେ ଟିକିଏ

କାନ୍ଦିବି ମୁଁ କାହା ପାଇଁ

ଯିବାକୁ ଖୋଜୁଛି ଦୂର ଚଲାପଥ

ଅତୀତ ର ସ୍ମୁତି ନେଇ ।।

ଅଫେରା ବାଟୋଇ ଅଦିନ ବାଟୋଇ

ଫେରିଗଲେ ଯେ ଯାହା ପଥେ

ଫେରିବାନି ଆଉ ଅଫେରା ରାଇଜୁ

ଏବେ ରବି ଦୁର ପରବତେ ।।