ନିସଙ୍ଗତା ବର°ଭଲ
ନିସଙ୍ଗତା ବର°ଭଲ
କରୋନା କୋପକୁ ପୁଣି
ନିସଙ୍ଗତା କାଳ
ହୁଅନ୍ତୁ ତରୁଣ ଅବା
ସେତ ବୃଦ୍ଧ ବାଳ ।
କଟକଣା ଏବେ ସିନା
ହେଲାଣି କୋହଳ
ତଥାପି ଲାଗୁଛି ଡର
ଦେଖିଲେ ଗହଳ ।
ବିନା ଲକ୍ଷଣ ରେ ଯଦି
ସଙ୍କ୍ରମିତ କେହି
ଗହଳି ରେ ଅଜଣାତେ
ଦେଲା ଆସି ଛୁଇଁ ,
କରୋନା ର ମାୟା ଜାଲେ
ହୋଇଯିବ ଛନ୍ଦି
ବଳେଇ ପଡିବ ଦୁଃଖ
କପାଳକୁ ନିନ୍ଦି ।
ସ°କ୍ରମିତ ହେଲେ କଷ୍ଟ
ନିସଙ୍ଗ ଜୀବନ
ନିସଙ୍ଗେ ରହିବେ ପୁଣି
ଆତ୍ମୀୟ ସ୍ବଜନ ।
ପ୍ରିୟ ପରିଜନ ପାସେ
ପସିବେନି କେହି
ଛୁଇଁଦେଲେ କରୋନା ତ
ଆସେପରା ଡେଇଁ ।
ଅଛୁଆଁ, ରୋଗୀ ର ଶବ
ରୋଗୀ ସେବା ମନା
ଦେହଠାରୁ ବଳିଯାଏ
ମନର ଯନ୍ତ୍ରଣା ।
ନିସଙ୍ଗତା ଦେଉ ପଛେ
ମାନସିକ କଷ୍ଟ
କରୋନା କବଳେ କିଆଁ
ହେବା ଛଟପଟ ?