ନବରାତ୍ରରେ ନବ ମାତୃକା

ନବ ରାତ୍ରରେ

ନବ ମାତୃକାକୁ

ପୂଜିବେ ଜଗତ ଜନେ ।

ଜୀବନର ଭାର

ଦେଇ ତୋ ପାଦର

ଭଜିବେ ଆନନ୍ଦ ମନେ ଯେ ।

ମା ଲୋ ସ୍ନେହ ମୟୀ

ବିପଦ ଭଂଜନୀ

ମହିଷା ମାରିଲୁ ଦିନେ ।

ସଂସାର ପାଳିକା

ରାକ୍ଷସଙ୍କ ଦକା

ନାଶିଥିଲୁ ଆଜ ଦିନେ ଯେ ।

ହିଂସା ପ୍ରତି ମୂର୍ତ୍ତି

ସିଂହବାହନରେ

ଦୀକ୍ଷା ଦେଉ ଅଛୁ ନରେ ।

ତତ୍ତ୍ୱ ଜ୍ଞାନ ନାଶେ

ଅନ୍ଧକାର ଚିର

ହଂସ କାଢ଼େ କ୍ଷୀରୁ ନୀରେ ଯେ ।

ଆଦିକାରଣ ହେ 

ମାତା ବିଶ୍ୱମ୍ଭରୀ 

ଦୀନ ପୂଜା ଫୁଲ ଘେନ ।

ଦମ୍ଭ ମୋହ ଗର୍ବ

ରଖୁନା କାହାରି

ନାଶ କରୁ ଅରୀ ପ୍ରାଣ ଯେ ।

ନମୋ ଦୁର୍ଗା ଦେବୀ

ଜୟ ଆଦିଶକ୍ତି

ଭକ୍ତେ କର ବାରେ ଦୟା ।

ସସାଗାରା ଧରା

ତୋ ସ୍ନେହେ ଆତୁରା

ଲୋଡ଼ନ୍ତି ତୋହରି ଛାୟା ଯେ ।

ଭକ୍ତ ର ମାନସେ 

ତାମସ ବିନାଶ

ସତ୍ୟର ଜ୍ଞାନ ପ୍ରକାଶେ ।

ଦୁଃଖେ ହୁଏ ଯାଣି

ତେଣୁ ଦାକ୍ଷାୟଣୀ

ତୋ ଦୁର୍ଗା ନାମ ବିକାଶେ ଯେ ।